Biełarusy Kanady svaimi siłami staviać śpiektakl pra Łarysu Hienijuš — premjera 14 krasavika
Biełarusy Taronta ładziać u subotu premjeru spektakla, pryśviečanaha žyćciu i tvorčaści Łarysy Hienijuš. Pra heta paviedamlaje Radyjo Svaboda. 7 krasavika spoŭniłasia 35 hadoŭ ź dnia śmierci adnoj z samych viadomych biełaruskich paetak, hramadzkaj dziajačcy, šmathadovaha viaźnia HUŁAHu.
«Vulica Hienijuš» — heta hadzinny mastacka-dakumentalny spektakl pra žyćcio Łarysy Hienijuš: ad naradžeńnia da śmierci, raspaviadaje Svabodzie inicyjatarka pastanoŭki Valancina Šaŭčenka.
«Ja časam hraju ŭ rasiejskich amatarskich teatrach. Vystupaju ŭ pastanoŭkach abo śpiavaju biełaruskija pieśni. I niejak paśla cudoŭnaha spektaklu, pryśviečanaha Achmatavaj, niechta mianie zapytaŭ, a čamu b vam, biełarusam, nie zrabić niešta takoje pra biełaruskich paetaŭ. Los Łarysy Hienijuš nikoli nia byŭ mnie abyjakavy. Mnie zdavałasia, što pra jaje los pavinny viedać usie ŭ maim asiarodździ», — raspaviadaje spn. Valancina.
Jana źviarnułasia da Ludmiły Ciamjanki, aŭtarki scenaroŭ dla amatarskich teatraŭ u Taronta. Taja pahadziłasia napisać scenar da pastanoŭki pra Hienijuš.
«Hetaja žančyna nikoli nie razmaŭlała pa-biełarusku, jana z Ukrainy, ale sama znajšła ŭsie patrebnyja materyjały. Jana nastolki ŭciahnułasia ŭ hetuju spravu, što nie zmahła spać. Tak zachapiŭ jaje los Hienijuš», — kaža sp. Valancina.
Scenar byŭ napisany ŭ 2016 hodzie pry finansavaj padtrymcy Zhurtavańnia biełarusaŭ Kanady, ale padrychtoŭka da pastanoŭki pačałasia tolki ŭ listapadzie 2017 hodu. Hrašyma dapamoh i Biełaruski instytut Navuki i mastacta ŭ Kanadzie, ale hałoŭnym sponsaram staŭ doktar Rusłan Kačatkoŭ. Udzielniki pastanoŭki prapanoŭvali svaje praŭki ŭ scenar, sami rabili dekaracyi.
«Usie našyja aktory — heta amatary. Ale kožny vielmi anhažujecca, układaje ŭ spektakl usio svajo serca. Jość siamja, dzie maci i dačka ihrajuć, a baćka dapamahaje z dekaracyjami i pry hetym jany majuć jašče małoje dzicia.
Na biełaruskuju movu scenar za niekalki dzion pierakłaŭ biełaruski paet i bard ź Ńju-Jorku Siaržuk Sokałaŭ-Vojuš. Ale bolš za hod scenar pralažaŭ u šufladzie.
«Jak biełaruska ja adčuvała, što tam nie chapaje niečaha istotnaha. Heta byŭ scenar amal što tolki pra Łarysu Hienijuš — žančynu. Takoje ž uražańnie mieŭ i moj muž, jaki čytaŭ scenar. I tamu praź niejki čas na padstavie knihi ŭspaminaŭ Łarysy Hienijuš «Spoviedź» ja jaho pierarabiła. Atrymałasia pastanoŭka pra ŭsio žyćcio Hienijuš, pra toje, kim była hetaja žančyna ŭ našaj historyi. Spektakl atrymaŭsia akurat da 100-hodździa BNR, jakaja ŭ žyćci Łarysy Hienijuš była vielmi važnaj staronkaj», — dadaje Valancina Šaŭčenka.
U spektakli hučać vieršy i pieśni na słovy Łarysy Hienijuš. Darečy, nazva «Vulica Hienijuš», jakuju prapanavała vykanaŭca hałoŭnaj roli, pavodle Valanciny Šaŭčenki adlustroŭvaje maru ŭdzielnikaŭ spektaklu ab tym, što niekali i ŭ Biełarusi źjavicca sapraŭdnaja vulica imia paetki. Premjera spektaklu adbudziecca ŭ zali biełaruskaha centru ŭ Taronta 14 krasavika. Pačatak a 19 hadzinie.
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club4
Kamientary