U centry brazilskaha miehapolisa San-Paŭłu abrynuŭsia šmatpaviarchovy dom, achopleny połymiem. Pa papiarednich źviestkach, zahinuŭ adzin čałaviek. Budynak byŭ aficyjna vyviedzieny z ekspłuatacyi, u im žyli skvotary.
Pa dadzienych palicyi, budynak byŭ aficyjna vyviedzieny z ekspłuatacyi, u im žyło nie mienš za 80 skvotaraŭ. Častku žycharoŭ udałosia svoječasova evakujavać. Pa dadzienych telekanała Globo, u budynku było 26 pavierchaŭ, na jakich žyli 50 čałaviek. U pažary zahinuŭ adzin čałaviek, troje — prapali bieź viestak.
Ahoń pierajšoŭ na susiedni budynak, ale pahrozy jaho abvału niama. Miesca abvalvańnia i niekalki navakolnych kvartałaŭ ačeplenyja palicyjaj i pažarnymi. Pa dadzienych pažarnaj słužby San-Paŭłu, u apieracyi pa likvidacyi nastupstvaŭ udzielničajuć 160 čałaviek i 57 adzinak techniki. Častka ludziej paśpieli evakuiravać.
Budynak byŭ pabudavany ŭ 1960-ja hady.
San-Paŭłu źjaŭlajecca najbujniejšym horadam Brazilii, samym hustanasielenym u Paŭdniovym paŭšarji i adnym z samych hustanasielenych u śviecie (kala 20 młn čałaviek, u tym liku pryharady). Adnoj z prablem horada źjaŭlajecca niedachop žylla i vybuchovy rost chałupaŭ-faviełaŭ na ŭskrainach. U toj ža čas centralnyja rajony San-Paŭłu dehradujuć, puściejuć. U ich samavolna sielacca najbiadniejšyja haradžanie-skvotary. San-Paŭłu taksama viadomy svajoj kryminahiennaj abstanoŭkaj.
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary