U Oršy pradajecca dom Karatkieviča. Tam jon napisaŭ «Dzikaje palavańnie karala Stacha»
Dom u Oršy, u jakim Uładzimir Karatkievič napisaŭ svaju znakamituju apovieść «Dzikaje palavańnie karala Stacha», vystaŭleny na prodaž. Adpaviednaje abjava źjaviłasia na sajcie realt.by.
Za dom u centry horada, jaki znachodzicca na vulicy Karatkieviča, prosiać 33 832 rubli (17 tysiač dalaraŭ). Ahulnaja płošča draŭlanaha doma 44,5 mietra (31,4 — žyłaja płošča, 13,09 — kuchnia). Płošča dzialanki — 13 sotak, haz i vada pa vulicy, aciapleńnie hrubkaj.
Apošnija try hady dom stajaŭ biez haspadara. Da 2015 hoda ŭ domie žyŭ Juryj Barabaš — muž Raisy Valerjeŭny, plamieńnicy piśmieńnika. Usie hady jon sačyŭ za domam i dzialankaj.
Paśla śmierci Juryja Barabaša chataj pačała vałodać jaho dačka, jakaja žyvie ŭ Adesie. Pieršapačatkova jana zdavała dom u arendu, a ciapier vyrašyła jaho pradać.
Baćkoŭski dom piśmieńnika nie ŭvachodzić u dziaržaŭny śpis achoŭnych historyka-kulturnych kaštoŭnaściej.
Ciapier čytajuć
Biełaruska znajšła italjanskuju siamju, jakaja pryniała jaje paśla Čarnobyla. Jana dumała, što italjancy jaje kinuli1
Kamientary