Ź piešachodnaj Kamsamolskaj milicyja prahnała vuličnaha muzykanta. Akazvajecca, tam nielha vystupać
U piatnicu z novaj piešachodnaj zony na Kamsamolskaj milicyja prahnała vuličnaha muzykanta, paviedamili Tut.by vidavočcy.
Paśla rekanstrukcyi na piešachodnaj Kamsamolskaj źjavilisia vuličnyja muzyki, raspaviadaje zasnavalnik sałona «Saroki» Ksienija Fiodarava. Jany hrajuć kala hadzińnikaŭ na skryžavańni z Revalucyjnaj, što robić abstanoŭku viesialejšaj.
Nie stała vyklučeńniem i hetaja piatnica. Jak raspaviadaje majstar sałona Dyjana, dniom kala hadzińnikaŭ hraŭ hurt, viečaram — vystupaŭ chłopiec z hitaraj, vakoł jakoha sabralisia ludzi. Ale kala 21.00 da jaho padyšli milicyjanty i skazali, što na muzyku pastupiła skarha. Jany paprasili jaho syści. A ŭ subotu i niadzielu vuličnych muzykaŭ tut užo nie było.
I jaki tady sens u piešachodnaj zonie, dzie nielha hrać vuličnym muzykam?
Kali pahladzieć na situacyju farmalna, to vystupać na vulicy ŭ Minsku mohuć tolki ŭdzielniki fiestyvalu «Piešachodka» i tolki ŭ peŭnych miescach. Siarod ich šmat dobrych łakacyj, ale rekanstrujavanych Kamsamolskaj i Revalucyjnaj u hetym śpisie niama. Takim čynam, vystupleńni tut padpadajuć ŭžo pad zakanadaŭstva ab masavych mierapryjemstvach i milicyja maje prava spyniać ich. Tym bolš, kali na muzyku pastupaje skarha.
Jak raspavioŭ Tut.by načalnik upraŭleńnia kultury Minharvykankama Alaksandr Šastakoŭ, pytańnie raźvićcia i pavieličeńnia placovak u ramkach «Piešachodki» znachodzicca ŭ stadyi abmierkavańnia.
A heta značyć, što zaŭtra i paślazaŭtra situacyja nie źmienicca. Da taho ž zajaŭki na «Piešachodku» padajucca tolki adzin raz za hod — uviesnu.
Ale heta jašče nie aznačaje, što vuličnych muzykaŭ buduć prahaniać z Kamsamolskaj zaŭsiody. Jašče adzin surazmoŭca ŭ meryi kaža, što na praktycy ich nie čapajuć tam, dzie jany nie zaminajuć.
Ciapier čytajuć
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary