Sabaka ŭ ZŠA vypadkova prahłynuŭ narkotyki i staŭ hierojem internetu VIDEA
U internecie nabiraje papularnaść rolik z sabakam pa mianušcy Ryta, jaki vypadkova prahłynuŭ narkotyki na vulicy. Videa apublikavaŭ karystalnik Twitter z ZŠA Set Miersinh (Seth Mersing).
Here's a short clip of my dog at the hospital after she found an edible on our walk at the park! pic.twitter.com/ramq9MS96i
«Voś karotki zapis z udziełam majho sabaki ŭ špitali paśla taho, jak jon znajšoŭ niešta jadomaje padčas našaj prahułki ŭ parku», — adznačyŭ Miersinh ŭ apisańni da videa. Na roliku bačna, jak hadavaniec ŭ niezvyčajnaj pozie lažaŭ na stale, pryžmuryŭšy vočy i prycisnuŭšy da hrudziej piaredniuju łapu.
Haspadar sabaki raspavioŭ, što nie źviarnuŭ uvahu, čym pałasavałasia žyvioła na prahułcy. Adnak praz 30 chvilin Ryta pačała pavodzić siabie dziŭna, a ŭnačy jana samleła, tamu Miersinh vyrašyŭ advieźci sabaku da vieterynara.
Miedyki praviali niekalki analizaŭ mačy i vyśvietlili, što hadavaniec prahłynuŭ narkotyki: test pakazaŭ dadatny vynik na marychuanu. U vyniku Rytu pakinuli na noč u balnicy i praviali joj detaksikacyju.
Kali vieterynary zajavili Miersinhu, što žyćciu sabaki ničoha nie pahražaje, jon zapisaŭ videa i vykłaŭ u Twitter. Za paru dzion rolik sabraŭ kala 200 tysiač łajkaŭ.
Niekatoryja kamientatary papraknuli mužčynu ŭ tym, što jon sam pačastavaŭ Rytu narkotykami, adnak haspadar chutka abvierh usie abvinavačvańni.
-
Zornaja biełaruskaja intelektuałka pajšła na realici ad TNT — budzie plaści intryhi, kab atrymać 100 tysiač jeŭra
-
Dzianis ź Niaśviža dziesiać hadoŭ adpracavaŭ na likiora-harełačnym zavodzie. A znajšoŭ siabie i najlepš staŭ zarablać jak błohier Ałkabard
-
U Prypiaci pavialičvajecca kolkaść ryby, raniej zaniesienaj u Čyrvonuju knihu
Kamientary