Łondan maje namier nakiravać Maskvie zapyt na vydaču rasijan, jakija padazrajucca ŭ atručvańni ludziej niervova-paralityčnym rečyvam u brytanskim horadzie Sołśbiery. Pra heta piša ŭ paniadziełak, 6 žniŭnia, hazieta The Guardian sa spasyłkaj na krynicy va ŭradzie i siłavych strukturach Vialikabrytanii.
Pavodle haziety, ułady chočuć damahčysia ekstradycyi z Rasii dvuch hramadzian krainy. Adznačajecca, što za miesiacy rasśledavańnia, jakoje viali sotni palicejskich i supracoŭnikaŭ śpiecsłužb, jany «całkam prasačyli pieramiaščeńni dvuch rasijan z momantu ich ujezdu ŭ Vialikabrytaniju i da adjezdu» z krainy.
Vydańnie piša, što zapyt padrychtavała Karaleŭskaja prakurorskaja słužba. Jana hatovaja nakiravać jaho ŭ luby momant. U toj ža čas The Guardian adznačaje, što padobny zapyt niesumnienna budzie adkinuty Rasijaj i pryviadzie da novaha raŭnda dypłamatyčnaha skandału.
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ14
Kamientary