Minzdaroŭja źviarnułasia ŭ prakuraturu paśla publikacyi «Ježiednievnika» ab niezarehistravanaj vakcynie
Na sajcie Ministerstva achovy zdaroŭja Biełarusi źjaviłasia paviedamleńnie adnosna niadaŭnich publikacyjaŭ u ŚMI — śćviardžajecca, što «farmat padačy i hrubaje vykładańnie faktaŭ u artykułach, apublikavanych na adnym ź internet-resursaŭ i pieradrukavanych inšymi ŚMI, mohuć nanieści škodu nacyjanalnaj biaśpiecy Respubliki Biełaruś u sfery achovy zdaroŭja», piša Radyjo Svaboda.
Pry hetym Minzdaroŭja nie nazyvaje ni vydańnie, ab jakim piša, ni pamyłki abo niedakładnaści ŭ artykułach. Havorycca, što heta artykuły, «źviazanyja z vakcynaprafilaktykaj».
«Paviedamlajem, što viedamstva nakiravała adpaviednyja dakumenty ŭ Hieneralnuju prakuraturu», — piša Minzdaroŭja.
Pres-sakratarka Ministerstva Julija Baradun rastłumačyła Svabodzie, što havorka mienavita ab publikacyjach «Ježiednievnika».
Jana paviedamiła Svabodzie, što kanca dnia 28 žniŭnia abo ranicaj 29 žniŭnia źjavicca razhornuty kamentar pazycyi viedamstva ŭ suviazi z publikuacyjaj «Ježiednievnika» ŭ dźviuch častkach, Baradun nazvała hetuju infaramcyju niepraŭdzivaj.
Ministerstva taksama adznačyła, što «nieadnarazova vykazvała svaju pazycyju» pa artykułach, «źviazanych z vakcynaprafilaktykaj», i dała spasyłku na raniejšyja pres-relizy.
Ministerstva tak i nie prakamentavała źviestki ab tym, što vakcyna «Eŭpenta» nie była zarehistravanaja i pravieranaja ŭ Biełarusi. Hetyja źviestki vykryŭ «Ježiednievnik» i heta paćvierdzili Svabodzie ŭ Centry ekspertyzaŭ i vyprabavańniaŭ u achovie zdaroŭja.
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?77
Kamientary