Z suda pa spravie Koržyča znoŭ vydalili žurnalistaŭ
Ab hetym paprasiŭ abvinavačany Anton Viaževič, jaki patłumačyŭ nieabchodnaść pravieści zakrytaje pasiedžańnie «ciskam z boku KDB», piša Radyjo Svaboda.
Pakazańni, dadzienyja Antonam Viaževičam padčas śledstva ŭ SIZA KDB i SIZA № 1 na Vaładarskaha, pačali ahučvać 17 vieraśnia. Na samym pačatku Viaževič vystupiŭ z chadajnictvam ab praviadzieńni hetaha pasiedžańnia ŭ zakrytym režymie, biez udziełu žurnalistaŭ.
«U materyjałach dopytaŭ jość źviestki, dadzienyja mnoj padčas dopytaŭ u SIZA KDB, ja nie chaču, kab u zali prysutničali žurnalisty, — zajaviŭ sudździ Viaževič. — Ja bajusia jakich-niebudź dziejańniaŭ KDB u dačynieńni mianie albo maich rodnych. Padčas dačy mnoj pakazańniaŭ u KDB prymianiałasia fizičnaje ŭździejańnie z boku supracoŭnikaŭ KDB. Užo byli takija fakty niezakonnaha ŭździejańnia. Na dopytach prymianiałasia fizičnaje ŭździejańnie, a taksama psichalahičny i maralny cisk. Ja nie chaču, kab ŚMI skazili maje pakazańni, pieradali ich niedakładna».
Chadajnictva Viaževiča padtrymaŭ jaho advakat. Suprać vystupili prakuror i Śviatłana Koržyč. Sudździa pryniaŭ rašeńnie ŭziać 10-chvilinny pierapynak, paśla čaho zadavoliŭ chadajnictva Viaževiča.
Adkrytyja pasiedžańni adnoviacca paśla taho, jak na pracesie ahučać pakazańni Viaževiča.
Kamientary