Kryminalnyja spravy za chulihanstva i apahańvańnie mahiły raspačali ŭ Klimavičach u dačynieńni da troch padletkaŭ — chłopca i dźviuch dziaŭčat. Jany raskapali mahiłu i pakinuli nieprystojnyja nadpisy i malunki kala chrama, piša «Rodnaja niva».
Apahańvańnie mahił adbyłosia jašče ŭ siaredzinie leta. Nieprystojnyja nadpisy i malunki źjavilisia na arcy la carkvy i budynka niadzielnaj škoły ŭ kancy žniŭnia. A ŭ pačatku vieraśnia milicyja vyśvietliła asoby padazravanych — jany ciapier u SIZA.
Pavodle infarmacyi milicyi, Alaksandr (imiony padazravanych tut i dalej źmienieny) staŭ ličyć siabie apateistam, h.zn. abyjakava staviŭsia da isnavańnia abo nieisnavańnia Boha. Razam sa znajomymi Volhaj i Natallaj jany namalavali na arcy kala carkvy mužčynski pałavy orhan i padpisali malunak słovam z troch litar. A na ścianie niadzielnaj škoły padletki pakinuli nadpis na anhlijskaj movie, jaki ŭ pierakładzie na biełaruskuju aznačaje «Niachaj žyvie satana». Pobač namalavali piacikancovuju zorku.
Vyśvietliłasia, što da hetaha vypadku dźvie siabroŭki na mohiłkach apahanili mahiłu. Im «było cikava pahladzieć, što ŭ ziamli adbyvajecca z trupam». Vybraŭšy staruju mahilnuju plitu i skarystaŭšysia mietaličnaj tabličkaj z datami žyćcia i śmierci adnaho ź niabožčykaŭ, dziaŭčaty stali vykopvać jamu. Zadumanaje tak da kanca jany i nie daviali — vyrašyli praciahnuć na nastupny dzień, ale tak i nie viarnulisia na miesca złačynstva.
Klimaŭčanam pahražajuć turemnyja terminy da 3 hadoŭ — kožnamu.
Ciapier čytajuć
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club4
Kamientary