Ułaśnik «Piataha elemienta» vykupiŭ dom Karatkieviča ŭ Oršy, kab pieradać jaho muzieju
Dom Uładzimira Karatkieviča ŭ Oršy, jaki byŭ vystaŭleny na prodaž letam 2018 hoda, narešcie znajšoŭ novaha haspadara.
Jak stała viadoma «Našaj Nivie», zbudavańnie vykupiŭ uładalnik sietki kramaŭ «Piaty elemient» Andrej Bałabin.
Infarmacyju paćvierdziŭ były namieśnik staršyni Aršanskaha rajvykankama pa ideałohii Aleh Śmirnoŭski, jaki byŭ davieranaj asobaj biznesmiena padčas ažyćciaŭleńnia ŭhody. Paźniej heta spraŭdziŭ i sam Bałabin.
«Liču, što padtrymańnie prajektaŭ u halinie kultury — abaviazak kožnaha biełaruskaha biznesmena. 2018 hod u Biełarusi pryśviečany małoj radzimie. Orša — horad, dzie ja naradziŭsia, tut prajšło majo dziacinstva, heta darahoje dla mianie miesca. Rady paŭdzielničać u prajekcie, jaki papularyzuje moj horad i vydatnych, talenavitych ziemlakoŭ», — raspavioŭ Andrej Anatoljevič.
Bałabin źbirajecca rekanstrujavać dom, viarnuć jamu histaryčnaje abličča.
«U maich metach — pieradać abnoŭleny dom-muziej rodnamu horadu. Płanavy termin: 26 listapada 2020 hoda da 90-hodździa z dnia naradžeńnia piśmieńnika», — udakładniŭ biznesmen.
Bałabin — uradženiec Oršy. Jon advučyŭsia ŭ aršanskaj SŠ №7, paśla skončyŭ Minskaje suvoraŭskaje vajennaje vučylišča i pastupiŭ u Minskaje vyšejšaje inžyniernaje zienitna-rakietnaje vučylišča.
U rejtynhu samych paśpiachovych i ŭpłyvovych biznesmienaŭ Biełarusi jon zajmaje 133-je miesca. U najlepšyja hady Bałabin uvachodziŭ u top-30 biznesmienaŭ.
Raniej dom, dzie Uładzimir Karatkievič napisaŭ apovieść «Dzikaje palavańnie karala Stacha», dzie haściavali Buraŭkin i Baradulin, naležaŭ siamji plamieńnicy piśmieńnika. Apošnim časam u im žyŭ jaje muž Juryj Barabaš. Paśla jaho śmierci dom pierajšoŭ dačce, ale jana žyvie ŭ Adesie.
Jana vystaviła dom na prodaž za 33 832 rubli, adnak Bałabinu ŭdałosia kupić za mienš jak utraja. Košt uhody — kala 10800 rubloŭ.
-
Z asudžanaha za špijanaž znajomaha Volhi Karač u turmie vymahali hrošy. A jon chvaliŭsia, što moža dastać ich u pasolstvie Biełarusi
-
U minskim parku Čaviesa dva dni budzie pracavać zipłajn — reč sa spuskam na šalonaj chutkaści
-
Łukašenka zahadaŭ, kab byłych siłavikoŭ, ratavalnikaŭ i dypłamataŭ, zvolnienych «pa dyskredytujučych», adsočvali piać hadoŭ
Ciapier čytajuć
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram5
«Za čatyry dni jaje trojčy ekstranna špitalizavali». Biełaruska trapiła ŭ emihracyjnuju turmu ŭ ZŠA paśla pobytavaj svarki z partnioram
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary