Žychar Hrodna niekalki razoŭ sprabavaŭ raźmianiać nadrukavanyja na pryntary falšyvyja kupiury. Pra heta BiełTA paviedamili ŭ pres-słužbie UUS Hrodzienskaha abłvykankama.
U listapadzie ŭ Hrodnie byli zafiksavanyja try vypadki vyjaŭleńnia falšyvych kupiur. Usie jany byli padobnyja: da paciarpiełych padychodziŭ małady čałaviek i prasiŭ raźmianiać 100 rubloŭ.
«3 listapada jon źviarnuŭsia da indyvidualnaha pradprymalnika na rynku «Paŭdniovym». Žančyna pahadziłasia, jana pieradała nieviadomamu hrošy dla raźmienu, a toj kinuŭ falšyvuju kupiuru i paśpiašaŭsia ŭciačy», — raspaviali ŭ milicyi. Praź niekalki dzion jon taksama raźmianiaŭ hrošy ŭ tytuniovym kijosku. Nieŭzabavie jašče raz pasprabavaŭ prakrucić takuju schiemu, adnak vyklikaŭ u pradaŭca padazreńnie. Vychapiŭ u jaje hrošy i ŭciok.
«Da pošuku dałučylisia supracoŭniki milicyi. U pole zroku pravaachoŭnikaŭ trapiŭ małady čałaviek 1997 naradžeńnia. Jon užo mieŭ prablemy z zakonam, a ciapier nidzie nie pracuje. U padazravanaha było vyjaŭlena 6 kupiur adnaho naminału i z adnolkavym sieryjnym numaram», — adznačyli ŭ pres-słužbie.
Doma ŭ jaho znajšli 6 listoŭ papiery farmatu A4, na jakich byli nadrukavanyja vyjavy starublovak. Padazravanaha zatrymali, idzie śledstva.
Ciapier čytajuć
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary