Pierasoŭny patrul kaŭnaskaj mytni spyniŭ hruzavy aŭtamabil Scania na miažy Litvy i Polščy. Heta adbyłosia ŭ minuły paniadziełak, 12 listapada, paviedamlaje autogrodno.by sa spasyłkaj na lrytas.lt.
Kiroŭca adrazu vyklikaŭ padazreńni: jon skazaŭ, što pieravozić polistyroł u Polšču, chacia ŭ dakumientach było paznačana, što hruz pavinien być dastaŭleny ŭ Hiermaniju.
Pierš za ŭsio mytniki ŭzvažyli paŭpryčepy hruzavika i jon apynuŭsia značna ciažejšy, čym treba było b pa zakonach fiziki.
Padčas detalovaha ahladu vyśvietliłasia, što za pakietami schavanyja 641 tysiač pačak hrodzienskich cyharet «Fest». Supracoŭniki mytni niekalki dzion padličvali pački. U vyniku, pavodle acenak litoŭskaha boku, košt cyharet skłaŭ kala 2 miljonaŭ jeŭra. Hetaja kantrabanda cyharet stała samaj bujnoj siarod zatrymanych u hetym hodzie mytniaj Litvy.
Kiroŭca, hramadzianin Litvy, byŭ aryštavany, a paźniej vypuščany pad zakład pad padpisku ab niavyjeździe.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary