Kitaj vypraboŭvaje elektramahnitnyja harmaty, što stralajuć na 200 km
Kitajski tankadesantny karabiel 072 III Haiyang Sha, uzbrojeny rejkatronam (elektramahnitnaj harmataj), vyjšaŭ u mora dla vyprabavańniaŭ, paviedamlaje TUT.BY sa spasyłkaj na partał Task and Purpose. Na dumku partała, pracy nad kitajskaj elektramahnitnaj harmataj viaducca z apiaredžańniem hrafika.
Long time no see, the railgun test ship is spotted undergoing sea trials these days. pic.twitter.com/WdxXkyYWrF
Pavodle acenak amierykanskaj vyviedki, kitajskija vajskoŭcy płanujuć raźmiaščać na svaich karablach rejkatrony ŭžo ŭ 2025 hodzie. Hetyja pryłady zmohuć źniščać celi na adlehłaści da 124 mil (200 kiłamietraŭ).
Harmata rejkatrona znachodzicca ŭ nasavoj častcy sudna. Na pałubie karabla stajać kantejniery, u jakich, mahčyma, raźmieščanaje elektraabstalavańnie. Na vyprabavańniach była dasiahnuta chutkaść 2500 m/s (M = 7,5), a dulnaja enierhija skłała 32 MDž.
Padobna, kitajskim vajskoŭcam udałosia vyrašyć šerah klučavych prablem, źviazanych z vykarystańniem elektramahnitnych harmat: znos stvała, chutkaść zaradžańnia i inšyja. Vierahodniej za ŭsio, jany buduć pieraŭzbrojvać elektramahnitnymi pryładami eśmincy prajekta 956-EM rasijskaj pabudovy. Riejłhan na ich mohuć zamianić 130-mm sparanyja harmaty.
U adroźnieńnie ad kitajcaŭ, vajskoŭcy ZŠA vyrašyli admovicca ad ukaranieńnia rejkatrona (elektramahnitnaj harmaty), adpaviednaja prahrama pavinna była być zhornutaja ŭ 2019 hodzie. Što da Rasiei, dyk pakul viadoma pra vyprabavańni rejkatrona ŭ łabaratornych umovach.
Kamientary