U akvatoryju Čornaha mora nakiroŭvajecca amierykanski desantny karabiel-dok «Fort MakHienry» (USS Fort McHenry), paviedamiła kamandavańnie 6-ha apieratyŭnaha fłotu Vajenna-marskich sił ZŠA. Zaraz hety bajavy karabiel prachodzić praliŭ Dardaneły.
Kamandujučaja 6-m apieratyŭnym fłotam VMS ZŠA vice-admirał Łajza Frančeci zajaviła, što adpraŭka «Forta MakHienry» ŭ Čornaje mora paćviardžaje rašučaść ZŠA zabiaśpiečvać biaśpieku Čornaha mora i umacoŭvaje tryvałyja adnosiny Ameryki z sajuźnikami pa NATA i partniorami ŭ rehijonie. Taksama takija «rucinnyja apieracyi ŭ Čornym mory» demanstrujuć hnutkaść i mahčymaści sił 6-ha fłotu ZŠA, dadała jana.
Karabiel z pryblizna 500 amierykanskimi marpiechami na borcie zabiaśpiečany dokavaj kamieraj dla piaci transpartnych kataraŭ na pavietranaj padušcy — jany pryznačany dla vysadki marskoj piachoty i bajavoj techniki. Vodaźmiaščeńnie «Forta MakHienry» — 16,1 tysiačy ton, a daŭžynia karabla — 190 mietraŭ. Jon abstalavany zienitnaj artyleryjaj i rakietnaj zbrojaj, pieradaje vesti.ru.
U adpaviednaści z Kanviencyjaj Mantrjo 1936 hoda, vajennyja karabli niečarnamorskich krain mohuć znachodzicca ŭ akvatoryi Čornaha mora nie bolš za 21 sutki.
«Fort MakHienry» ažyćciaŭlaje pierachod praz praliŭ Dardaneły ŭ Čornaje mora ŭ składzie elemientaŭ 22-j marskoj ekśpiedycyjnaj hrupy, paviedamlajecca ŭ tvitary pres-słužby 6-ha fłotu ZŠA.
#USSFortMcHenry (LSD 43) & embarked elements of the 22nd Marine Expeditionary Unit (MEU), has begun its north-bound transit of the Dardanelles Strait, en route to the Black Sea #US6thFleet #Power4Peace pic.twitter.com/jTqF64i8e1
Ciapier čytajuć
«Retranślatary vyklučyć, źniać i pakazać nam, što jany źniatyja». Zialenski patłumačyŭ, čamu pastaviŭ ultymatum i što maje zrabić Minsk45
Kamientary