Mer Kijeva, były baksior Vital Kličko paraŭnaŭ kandydata ŭ prezidenty ad partyi «Słuha naroda» i šoumiena Uładzimira Zialenskaha z pasažyram samalota, jaki apynuŭsia ŭ kabinie piłota. Pra heta jon skazaŭ u subotu padčas Ukrainskaha łanča na Miunchienskaj kanfierencyi pa biaśpiecy, paviedamlaje LIGA.net.
Kličko adznačyŭ, što jamu niezrazumieła, kali kandydat u prezidenty piša svaju palityčnuju prahramu mietadam usienarodnaha ŭdziełu.
«Ja chacieŭ by prakamientavać kandydataŭ u prezidenty biez palityčnaha dośviedu. Davoli kreatyŭna skazać «davajcie pisać prahramu razam z narodam». Ale heta mnie nahadvaje pasažyra, jaki trapiŭ u kabinu piłota i prosić u pasažyraŭ parady, jak uźlatać. Ja nie chacieŭ by lacieć u takim samalocie», — skazaŭ mer Kijeva.
Na dumku Kličko, heta vielmi niebiaśpiečnaja situacyja dla krainy.
Kamientary