Ministerstva abarony Biełarusi prakamientavała dyjałoh pres-sakratara viedamstva Uładzimira Makarava i karespandenta «Našaj Nivy» Arcioma Harbaceviča.
«Skažycie mnie jak členu Biełaruskaha sajuza žurnalistaŭ: čamu vy ŭ vojsku nie słužyli, a? … Niaŭžo vy saromiejeciesia svajoj seksualnaj aryjentacyi? U nas vykonvajecca zakanadaŭstva da litary, my nie amierykancy, u nas niama nijakich dyskryminacyj. A, spadar Harbacevič?» — zajaviŭ Makaraŭ zamiest taho, kab adkazać na pytańni karespandenta.
Pres-sakratar Minabarony — žurnalistu: Čamu vy ŭ vojsku nie słužyli? Saromiejeciesia svajoj seksualnaj aryjentacyi? AŬDYJA
«Vyvučeńnie poŭnaj stenahramy razmovy pakazvaje, što U. M. Makaraŭ jak słužbovaja asoba daŭ vyčarpalnyja adkazy na pastaŭlenyja žurnalistam pytańni.
U pryvatnaści, rekamiendavana karystacca aficyjnymi krynicami infarmacyi, a taksama zajaŭlena, što vajennaje viedamstva nie kamientuje čutki.
Razam z tym abodva, i načalnik upraŭleńnia infarmacyi — pres-sakratar Ministerstva abarony U. M. Makaraŭ i žurnalist vydańnia «Naša Niva» Arciom Harbacevič, paviali siabie nie zusim karektna z punktu hledžańnia normaŭ prafiesijnaj etyki.
3 U.M. Makaravym praviedziena razmova»,
— havorycca ŭ adkazie viedamstva, padpisanym pamočnikam ministra abarony pa ideałahičnaj pracy Leanidam Kasinskim.
***
Načalnikam upraŭleńnia infarmacyi hałoŭnaha ŭpraŭleńnia ideałahičnaj pracy Ministerstva abarony pracuje 63-hadovy pałkoŭnik Uładzimir Makaraŭ. Jon naradziŭsia ŭ rasijskim Čalabinsku, skončyŭ Śviardłoŭskaje vyšejšaje vajenna-palityčnaje tankava-artyleryjskaje vučylišča, a paśla Humanitarnuju akademiju ŭzbrojenych sił Rasii. Byŭ zampalitam u Biełarusi i na Kubie.
Zadača Makarava techničnaja — pradastaŭlać u ŚMI źviestki, datyčnyja Ministerstva abarony. Adnak časam jon biare inicyjatyvu na siabie.
Ciapier čytajuć
Mužčyna ŭ minskim mietro łapaŭ dziaŭčat, z vyhladu padletkaŭ, i pakazvaŭ im pachabnyja žesty. Jaho zatrymali14
Kamientary