Chakieistaŭ minskaha «Junactva» padazrajuć u niezakonnym abaračeńni narkotykaŭ. Mahčyma, fakty byli nie adzinkavyja, paviedamlaje MUS.
Uviečary 1 krasavika narad milicyi Centralnaha RUUS patrulavaŭ navakolli staličnaha praśpiekta Pieramožcaŭ. Uvahu supracoŭnikaŭ pryciahnuli dva maładyja čałavieki, jakija, ubačyŭšy vartavych paradku, prynialisia niervova chavać niešta ŭ kišeniach.
Na prapanovu pradjavić usio, što ŭ kišeni, chłopcy dastali dva palimiernyja słoički z padobnym na hašyš presavanym rečyvam, papiarovy skrutak ź identyčnym źmieścivam, try pakunački nasvaju, šklanyja trubački, jakimi možna karystacca pry spažyvańni narkotykaŭ. Nieŭzabavie vyśvietlili i asoby zatrymanych — imi akazalisia abaronca i napadajučy chakiejnaha kłuba «Junactva-Minsk». Kanfiskavanaje rečyva sapraŭdy źjaŭlajecca hašyšam.
Supracoŭniki adździaleńnia pa narkakantroli vyśvietlili, što da raspaŭsiudžvańnia narkotyku niepasrednaje dačynieńnie majuć jašče dvoje chakieistaŭ kłuba, ich zatrymali na nastupny dzień. Vyśvietliłasia, što kanfiskavany hašyš — reštki paśla niadaŭniaj zaharadnaj viečarynki adnakłubnikaŭ.
Pravaachoŭniki buduć vyśviatlać schiemy raspaŭsiudžvańnia narkotyka ŭ kamandzie, nakolki doŭha i rehularna jaje členy ŭžyvali zabaronienyja rečyvy, jakoje koła chakieistaŭ (i nie tolki ich) udzielničała ŭ hetym.
Raspačatyja kryminalnyja spravy na padstavie čč. 1, 2 art. 328 Kryminalnaha kodeksa (niezakonnaje abaračeńnie narkatyčnych srodkaŭ, psichatropnych rečyvaŭ, ich prekursoraŭ i anałahaŭ).
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam8
Kamientary