Namieśnik dyrektara Ahienctva televizijnych navinaŭ Biełteleradyjokampanii Juryj Prakopaŭ paviedamiŭ «Našaj Nivie», što ad niadaŭniaha času pierajšoŭ na rabotu ŭ navastvorany Biełaruski instytut stratehičnych daśledavańniaŭ (BISD).
Prakopaŭ viadomy źjedlivymi materyjałami na adras usiaho niedziaržaŭnaha.
Čytajcie: BT asudziła pratesty: «Dziaržava šmat nie patrabuje. Usiaho 20 bazavych na hod»
«Ja bolš nie pracuju ŭ Biełteleradyjokampanii. Ad paniadziełka ja pracaŭładkoŭvajusia ŭ BISD. Heta pakul u pracesie, tamu da pytańnia pasady davajcie vierniemsia paźniej. Zaraz mahu paviedamić, što ŭ koła maich abaviazkaŭ budzie uvachodzić infarmacyjnaje zabieśpiačeńnie pracy našaj ustanovy, uzajemadziejańnie ź miedyjnymi placoŭkami i inšaje», — adkazaŭ Prakopaŭ.
Jon taksama ŭłakładniŭ, što kazać pra jaho «pres-sakratar» budzie nie zusim karektna.
U 2000-yja Juryj Prakopaŭ byŭ viadučym prapahandysckaj prahramy «U centry ŭvahi», u jakoj štotydzień vykryvaŭ palityčnuju apazicyju i hramadzianskuju supolnaść.
Mienavita jon, a nie kiraŭnik Biełteleradyjokampanii Ivan Ejsmant, prysutničaŭ ad BT na naradzie pa infarmacyjnaj biaśpiecy ŭ Łukašenki, paśla jakoj stała viadoma ab stvareńni BISD.
Čytajcie taksama:
Łukašenka likvidavaŭ Infarmacyjna-analityčny centr pry Administracyi prezidenta
Kiraŭnik navastvoranaha BISDa Aleh Makaraŭ: Sacsietkami nie karystaŭsia. Ale ciapier, viadoma, budu
Ciapier čytajuć
Radzilnyja damy spaborničajuć, u kaho 3 lipienia narodzicca bolš dziaciej14
Kamientary