Nacbank čarhovy raz abviarhaje čutki pra pravdzieńnie ŭ najbližejšy čas denaminacyi biełaruskaha rubla.
U Biełarusi adsutničajuć pieradumovy dla praviadzieńnia denaminacyi, ličyć načalnik upraŭleńnia infarmacyi Nacyjanalnaha banka Biełarusi Anatol Drazdoŭ.
"Ciapier pravodzić denaminacyju absalutna nie varta, bo dla hetaha jašče nie paśpieli ekanamičnyja ŭmovy", — zajaviŭ jon u intervju BiełaPAN.Pry hetym pradstaŭnik Nacbanka znoŭ abvierhnuŭ čutki pra toje, što ab praviadzieńni denaminacyi ŭ Biełarusi moža być abjaŭlena ŭ bližejšyja dni.
Čynoŭnik Nacbanka taksama patłumačyŭ, što, u pryncypie, sam praces padrychtoŭki da denaminacyi źjaŭlajecca dziaržaŭnaj tajnaj. "Pakul praŭleńnie Nacyjanalnaha banka nie pryniało rašeńnie, sam fakt padrychtoŭki, zrazumieła, źjaŭlajecca dziaržaŭnaj tajnaj. Heta nieabchodna dla taho, kab nie chvalavać ludziej i vyklučyć mahčymyja śpiekulacyi", — patłumačyŭ A.Drazdoŭ.
Jon taksama nie ličyć mahčymym chutki pierachod Biełarusi na rasijski rubiel.Pavodle słoŭ A.Drazdova, Nacbank svaje płany da kanca 2009 hoda ahučyŭ: heta pryviazka kursu biełaruskaha rubla da košyka valut (dołar, jeŭra, rasijski rubiel).
"Pierachod na rasijski rubiel u handli z Rasijaj, što abmiarkoŭvajecca, — heta zusim inšaje. Dla hetaha, u pryncypie, navat pahadnieńni dadatkova padpisvać nie treba. Dastatkova adpaviednym orhanam dźviuch krain dać ukazańnie subjektam haspadarańnia raźličvacca tolki ŭ nacyjanalnych valutach", — zaznačyŭ A.Drazdoŭ. Heta vyhadna dla biełaruskaj ekanomiki, dadaŭ jon, u hetym vypadku Biełaruś budzie atrymlivać za pradukcyju rasijskija rubli i imi ž raźličvacca za naftu, haz, mietały i ŭsio astatniaje, što impartujecca z Rasii.
Što da ŭviadzieńnia rasijskaha rubla ŭ jakaści adzinaha płaciežnaha srodku Sajuznaj dziaržavy, pazicyja Nacbanka Biełarusi zastajecca niaźmiennaj.
U hałoŭnym banku krainy pa-raniejšamu ličać, što ŭviadzieńniu adzinaj valuty pavinna papiaredničać stvareńnie ekanamičnaj i mytnaj prastory, a taksama roŭnych umoŭ dla subjektaŭ haspadarańnia i nasielnictva ŭ ekanomicy i sacyjalnaj śfiery."Valutnaja intehracyja źjaŭlajecca zaviaršalnym etapam usioj intehracyi. Rasijski bok prapanoŭvaŭ spačatku pravieści valutnuju, ale my paličyli, što ŭ hetym vypadku vielmi vysokija ryzyki dla biełaruskaj ekanomiki. Naša mierkavańnie nie źmianiłasia", — padkreśliŭ A.Drazdoŭ.
Jak płanavałasia raniej, z 1 studzienia 2005 hoda rasijski rubiel pavinien byŭ stać adzinym płaciežnym srodkam u Rasii i Biełarusi, a z 1 studzienia 2008 hoda pavinny byli ŭvieści adzinuju valutu Sajuznaj dziaržavy.
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?
Kamientary