Kamanda biełaruskaha bramnika Dźmitryja Milčakova sastupiła ŭ vyrašalnym pajadynku paŭfinalnaj sieryi płej-of, paviedamlaje sajt Fiederacyi chakieja.
«Tršyniec» na rodnym lodzie apynuŭsia macniej za «Plzień» Dźmitryja Milčakova — 5:1, što zabiaśpiečyła kamandzie miesca ŭ finale (lik u sieryi 4:3).
Takim čynam, kłubny siezon dla Dźmitryja zaviaršyŭsia.
Paśla hulni trenierski štab zbornaj Biełarusi źviazaŭsia z bramnikam, jaki vykazaŭ hatoŭnaść dałučycca da nacyjanalnaj kamandy. Dźmitryj prylacić u Biełaruś u sieradu, 17 krasavika.
Nahadajem, što zbornaja Biełarusi zhulaje ŭ dyvizijonie, kudy vylecieła paśla 15 hadoŭ pierabyvańnia ŭ elicie. Turnir projdzie z 29 krasavika pa 5 maja ŭ Nur-Sułtanie.
Supiernikami našaj kamandy buduć zbornyja Kazachstana, Słavienii, Vienhryi, Litvy i Paŭdniovaj Karei.
Raskład hulniaŭ nastupny:
29 krasavika: Biełaruś — Litva,
30 krasavika: Biełaruś — Vienhryja
2 maja: Biełaruś — Słavienija
4 maja: Biełaruś — Kazachstan
5 maja: Biełaruś — Paŭdniovaja Kareja
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary