Nadmahilnuju plitu Jana Barščeŭskaha va Ukrainie pieradali na zachavańnie kaściołu
Nadmahilnaj plitoj biełaruska-polskaha piśmieńnika Jana Barščeŭskaha, pachavanaha va ŭkrainskim miastečku Čudnaŭ Žytomirskaj vobłaści, zaapiekavałasia miascovaja polskaja hramada, piša «Radyjo Svaboda».
Čytajcie taksama: Va Ukrainie znajšli nadmahille kłasika biełaruskaj litaratury FOTAFAKT
Haspadary padvorka, na jakim znajšłasia nadmahilnaja plita, pieradali jaje pradstaŭnikam Sajuzu palakaŭ, jakija pryjechali z Žytomira, a tyja, u svaju čarhu, — u ryma-katalicki kaścioł Adšukańnia Kryža Haspodniaha ŭ Čudnavie.
«Pakul vyrašyli źbirać srodki na restaŭracyju, a ŭžo paśla hetaha planujecca ŭchvalić rašeńnie, dzie jaje ŭstalavać. Papiarednie havorka idzie pra terytoryju kaścioła», — skazała Svabodzie zahadčyca adździełu kultury Čudnaŭskaj haradzkoj rady Śviatłana Zacharčanka.
Pavodle jaje, Žytomirskaja abłasnaja rada planuje nadać nadmahilnaj plicie status histaryčnaha pomnika.
«Kali budzie zavieršanaja restaŭracyja i kančatkova vyznačana miesca ŭstanaŭleńnia plity, my abaviazkova na hetaje mierapryjemstva zaprosim i polski, i biełaruski bok», — dadała Śviatłana Zacharčanka.
Pradstaŭnica Čudnaŭskaj haradzkoj rady dadała, što miesca pachavańnia Jana Barščeŭskaha pakul dakładna nie viadomaje — u miastečku było niekalki katalickich mohiłak.
Ciapier čytajuć
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ30
Łukašenka zaklikaŭ žycharoŭ Homielščyny nie chvalavacca z-za ŭltymatumu Zialenskaha adnosna retranślataraŭ
Chto tyja dva piersanažy, jakija nie pili ŭ mižvajennaj Vilni, jak Zośku Vieras abudzili ad letarhii i ci praŭdzivaja bajka pra Karatkieviča i restaran11
Kamientary