«Mama-buślicha lotała vakoł i pieražyvała»: elektryki pieranieśli na inšy słup hniazdo busłoŭ — z-za jaho zdaryłasia zamykańnie
U vioscy Janki Dokšyckaha rajona elektryki vielmi dalikatna vyrašyli prablemu z buślinuju hniazdom, z-za jakoha zdaryłasia karotkaje zamykańnie, piša kp.by
— Heta było 21 krasavika, — raspaviała žycharka vioski Jana Vasiukovič. — Busły źvili hniazdo na słupie, usio było narmalna, ale ŭ hety dzień prajšoŭ nievialiki doždžyk i zdaryłasia karotkaje zamykańnie. Z-za zamykańnia źnikła śviatło, a hniazdo ledź nie zaharełasia. Vyklikali elektrykaŭ. Jany pahladzieli i zrabili vysnovu, što busły niaŭdała abrali słup, na jakim źvili hniazdo.
Hniazdo elektryki vyrašyli nie razburać, a pieranieści. Na nastupny dzień na susiednim słupie ŭstalavali aporu pad hniazdo i akuratna pieramiaścili jaho. Jajki adzin z rabočych pierakłaŭ u kasku i trymaŭ, pakul druhi zdymaŭ hniazdo z «niapravilnaha» słupa i ŭstaloŭvaŭ na «pravilny».
— Žychary vioski sačyli za tym, što adbyvajecca, pieražyvali. I mama-buślicha lotała vakoł i taksama pieražyvała, — raspaviadaje Jana. — Kali hniazdo pieranieśli i pierakłali ŭ jaho jajki, jana adrazu pryniała novaje miesca žycharstva. Nie paśpieli elektryki źjechać, buślicha ŭžo była ŭ hniaździe.
Zialenski: Retranślatary na miažy Biełarusi prypynili pracu69
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary