Upieršyniu za doŭhija hady ŭ Minsku nie budzie tradycyjnaha «Čarnobylskaha šlachu»
Arhanizatary tradycyjnaha šeścia «Čarnobylski šlach» sabrali žurnalistaŭ na pres-kanfierencyju 25 krasavika, za dzień da mierkavanaj daty akcyi, i paviedamili, što admovilisia ad tradycyjnaha šeścia i mitynhu, paviedamlaje Radyjo Svaboda.
Zamiest Čarnobylskaha šlachu arhanizatary prapanujuć brać udzieł u «Čarnobylskim tydni» — u inšych mierapryjemstvach, lekcyjach i prezentacyjach.
Sustaršynia BCHD Volha Kavalkova adznačyła, što na Čarnobylski šlach padavali zajaŭku, bo, «kali nie zmahacca, ničoha nie budzie». Jana ŭ tym liku pieradavała zvarot ministru justycyi ab supiarečańni trom artykułam Kanstytucyi ciapierašnich praviłaŭ arhanizacyi mitynhaŭ i apłaty pasłuhaŭ milicyi. Kavalkova padkreśliła, što i zajezdy ravarystaŭ, i zabiehi marafoncaŭ ciapier mohuć stać niemahčymymi praz hetyja praviły.
Pradstaŭnik partyi «Zialonyja» Źmicier Kučuk skazaŭ, jon sam pryjdzie da Akademii navuk, kab vykazać salidarnaść z tymi, chto chacieŭ pajści na marš.
Minharvykankam raniej dazvoliŭ šeście pa zvyčajnym maršrucie i nastupny mitynh: zbor a 18:00 pierad Akademijaj navuk, šeście pa vulicy Surhanava da pomniku achviaram Čarnobyla i mitynh u Parku družby narodaŭ.
Ale arhanizatary zajavili, što nie majuć hrošaj na apłatu pasłuhaŭ milicyi. Arhanizatary musiać spłacić pravaachoŭnikam 7500 rubloŭ. Arhanizatary prapanoŭvali zładzić achovu samastojna.
Kab znajści vyjście ź situacyi, arhkamitet sprabavaŭ naładzić kantakt z haradskimi ŭładami i pravaachoŭnikami, ale pahutaryć ź imi ŭdałosia tolki a 10-j ranicy 25 krasavika — za dzień da akcyi.
Pravaachoŭniki krychu źmienšyli sumu — da 5700 rubloŭ. Pradstaŭnik HUUS adznačyŭ, što zusim vyzvalić ad spłaty za achovu jany nie mohuć.
Arhanizatary nie padpisali damovu. Zhodna z zakanadaŭstvam, milicyja ŭsio roŭna vystavić arhanizataram rachunak, plus mohuć aštrafavać arhanizataraŭ abo pasadzić na sutki za «parušeńnie paradku arhanizacyi masavaha mierapryjemstva».
Vikipiedyja piša, što «Čarnobylski šlach» nie pravodziŭsia tolki ŭ pieryjad z 1990 da 1995 hadoŭ. Najbolšuju kolkaść udzielnikaŭ jon sabraŭ u 1996 hodzie — da 50 tysiač čałaviek. U apošnija hady na jaho vychodziła ŭsiaho 500—700 čałaviek.
Ciapier čytajuć
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho8
Biełarus palacieŭ u Nicu praz Stambuł — ciapier jon u komie ŭ francuzskaj balnicy. Miascovyja miedyki rajać adklučać jaho
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca1010
Kamientary