Ich siońnia abraŭ tajnym hałasavańniem Archijerejski sabor RPC. Cikava, što ŭładyka Fiłaret u 1982 h. vyśviačaŭ u japiskapy adnaho ź siońniašnich pretendentaŭ na pasadu kiraŭnika RPC.
Archijerejski sabor RPC, što prajšoŭ u niadzielu ŭ Maskvie, nazvaŭ imiony troch pretendentaŭ na pasadu kiraŭnika Ruskaj pravasłaŭnaj carkvy.
Heta mitrapality: Smalenski i Kalininhradski Kiryła, Kałužski i Baroŭski Klimient, Minski i Słucki Fiłaret.
Za Kiryłu prahałasavali 97 čałaviek, Klimienta – 32, Fiłareta – 16.
Čaćviortaje miesca zaniaŭ mitrapalit Krucicki i Kałomienski Juvienalij, jon nabraŭ 13 hałasoŭ.
Mitrapalit Kijeŭski i usioj Ukrainy Uładzimir nabraŭ 10 hałasoŭ, jak i mitrapalit čarnavicki i Bukavinski Anufry – taksama 10 hałasoŭ. Jašče vosiem archijerejaŭ nabrali ad adnaho da siami hałasoŭ.
U pasiedžańni Archijerejskaha saboru ŭdzieł 198 z 202 archijerejaŭ RPC, u kožnym biuleteni mahła stajać tolki adna paznaka.
Vybary patryjarcha RPC projduć 27 studzienia padčas Pamiesnaha saboru, z udziełam 711 delehataŭ ad duchavienstva i śvieckich asobaŭ.
Mitrapalit Fiłaret – najstarejšy z troch pretendentaŭ. Jon na 11 hadoŭ starejšy, čym Kiryłu, i 14 hadoŭ - za Klimienta.
Darečy, Klimient chiratanisan u japiskapy ŭ Minsku (u 1982 h.) I siarod tych, chto ździajśniaŭ chiratoniju byŭ Fiłaret.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary