Dali trapili ŭ finał polskaha «Jeŭrafestu».
Dali trapili ŭ finał polskaha «Jeŭrafestu».
Viktar Rudenka z hurtam Dali trojčy namahalisia trapić na fiestyval «Jeŭrabačańnie» ad Biełarusi. Ale dalej za poŭfinał ich nie puskali. Jany hrajuć uzorny jeŭrapiejski pop‑rok, da razumieńnia jakoha kiraŭniki biełaruskaha adboru dy žury, vidać, jašče nie saśpieli. Ich pieśni na anhła‑biełaruskamoŭnaj miašancy im padavalisia to nadta składanymi, to nie chitovymi, to jašče što‑niebudź. Darečy, mienavita Rudenka napisaŭ pieśniu «Špacyrujem», jakuju sioleta ŭ finale «Jeŭrafestu» śpiavali jašče adny pradstaŭniki zusim inšaj biełaruskaj pop‑muzyki – hurt «Viecier u hałavie».
Idei pajechać na «Jeŭrabačańni» Dali nie kinuli dy padali zajavu na polski adbor ź niaźmiennaj anhła‑biełaruskamoŭnaj pop‑piesieńkaj. Tut im pašenciła bolej – polskija muzyčnyja krytyki zaŭvažyli ich Every Day.Jany trapili ŭ tuzin finalistaŭ z 120 achvočych.
U Polščy hety konkurs karystajecca kudy mienšaj papularnaściu. Choć časam dziakujučy skandałam uvaha da jaho pryciahvajecca ŭsieahulnaja. Jak Polšča ŭstupała ŭ Jeŭrasajuz, na polskim adbory pieramahła hrupa «Ich troje» z adpaviednaj pieśniaj pra słušnaść jeŭrapiejskaha vybaru. Dyk potym vyśvietliłasia, što padčas finału SMS‑hałasy hledačoŭ tolki za ich i prymali.
Jak i Biełarusi, polski adbor na «Jeŭrabačańnie» pakazvajuć u žyvym efiry pieršaha dziaržaŭnaha telekanału.Tak što dla Dali užo vialikaja pryjemnaść vystupić užyvuju na takuju aŭdytoryju. A kali jašče ŭsie biełarusy Polščy prahałasujuć za ich, to ŭ našaha hurtu jość usie šancy pajechać na «Jeŭrabačańnie» ŭ Maskvu ad Polščy. Viadoma ž, kali hałasy buduć prymać nie za adnaho ŭdzielnika.
Polski adbor adbudziecca 14 lutaha.
Cikava, što va ŭmoŭnym pakul internet-hałasavańni «Dali» iduć trecimi.
Budzie simvalična, kali biełaruskamoŭny hurt upieršyniu trapić na «Jeŭrabačańnie».
Pasłuchać konkursnuju pieśniu Every Day hurtu Dali možna tut
Śvieckaje žyćcio Darji Šmanaj: dni naradžeńnia dziaciej Kirkorava i Comedy Club4
Kamientary