Na sustrečy staršyni TBM z kiraŭnikom NDTRK dasiahnuta damoŭlennaść ab pašyreńni ŭžytku biełaruskaj movy na telebačańni.
Na sustrečy staršyni «Tavarystva biełaruskaj movy imia Franciška Skaryny» Aleha Trusava so staršynioj Nacyjanalnaj dziaržaŭnaj teleradyjokampanii Alaksandram Zimoŭskim 27 studzienia dasiahnuta damoŭlenaść ab pašyreńni ŭžytku biełaruskaj movy na ajčynnym telebačańni. Pra heta paviedamiŭ BiełaPAN A.Trusaŭ.
Pavodle jaho słoŭ, na sustrečy, jakaja adbyłasia ź inicyjatyvy staršyni TBM, byli razhledžany siem prapanoŭ kiraŭnictvu NDTRK.
Jak zaznačyŭ A.Trusaŭ, baki pryšli da zhody pa piaci punktach:zasnavać 10—15‑chvilinnuju pieradaču «Havorym pa‑biełarusku»;
stvaryć cykł pieradač na biełaruskaj movie na histaryčnuju tematyku, pryčym pieršy cykł pryśviacić 600‑hodździu pieramohi biełarusaŭ u składzie vojskaŭ Vialikaha kniastva Litoŭskaha ŭ Hrunvaldskaj bitvie;
sumiesna ź Instytutam movy i litaratury imia Jakuba Kołasa i Janki Kupały NANB zrabić pieradaču, pryśviečanuju 10‑m uhodkam Mižnarodnaha dnia rodnaj movy, zasnavanaha pavodle rašeńnia JUNIESKA;
raz u miesiac ładzić na telebačańni tematyčnyja kruhłyja stały pa pytańniach biełaruskaj movy i kultury z udziełam hramadskich arhanizacyj, u tym liku TBM, Tavarystva biełaruskaj škoły i Zhurtavańnia biełarusaŭ śvietu «Baćkaŭščyna»;
adnavić dublaž zamiežnych filmaŭ na biełaruskuju movu z dalejšym pakazam na ajčynnych telekanałach.
Razam z tym, pavodle słoŭ staršyni TBM, dźvie prapanovy abjadnańnia (Pieršy nacyjanalny kanał Biełaruskaha telebačańnia ŭ pierśpiektyvie całkam zrabić biełaruskamoŭnym, a biełaruskamoŭnuju rekłamu davać pa krychu mienšym košcie, čym ruskamoŭnuju), na dumku A.Zimoŭskaha, patrabujuć asobnaha razhladu.
Razmova adbyvałasia na dziaržaŭnaj biełaruskaj movie, zaznačyŭ A.Trusaŭ. «Spadar Zimoŭski paabiacaŭ aformić pa‑biełarusku častku suvieniraŭ teleradyjokampanii», — paviedamiŭ staršynia TBM.
Ciapier čytajuć
Mužčyna ŭ minskim mietro łapaŭ dziaŭčat, z vyhladu padletkaŭ, i pakazvaŭ im pachabnyja žesty. Jaho zatrymali14
Kamientary