Słonimskija ŭłady abiacali hrafici z Ahinskim pa-biełarusku — i pakul nie vykanali svaich płanaŭ
Da Dnia biełaruskaha piśmienstva, jakoje adbudziecca ŭ vieraśni, na ścianie doma pa vulicy Čyrvonaarmiejskaj namalavali hrafici — teatr Michała Kazimira Ahinskaha. Nadpis na im zrabili pa-rusku, ale abiacali heta vypravić.
Čytajcie. Hrafici ŭ Słonimie ŭsio ž zrobiać pa-biełarusku. Ideołah: «Bo čytali kamientary ŭ sacsietkach»
Čytač «Našaj Nivy» Alaksiej Dužy 15 traŭnia źviarnuŭ uvahu na toje, što hrafici damalavali, budaŭničyja lasy prybrali, a nadpis tak i zastaŭsia pa-rusku.
«Ja napisaŭ zvarot u Słonimski rajvykankam, mnie paabiacali, što da 1 červienia nadpis papraviać, ale što ja baču pa fakcie? Učora, 16 lipienia, nadpis zastaŭsia takim ža. Atrymlivajecca, ułady nas ašukali?»
Namieśnik staršyni Słonimskaha rajvykankama Uładzimir Kot supakojvaje:
«Da 1 žniŭnia hrafici budzie pa-biełarusku. Sprava ŭ tym, što na ścianie nasuprać tyja ž mastaki, što malavali teatr Ahinskaha, buduć rabić hrafici z vyjavaj Francyska Skaryny. I kab nie vyklikać mastakoŭ pa 10 razoŭ, my vyrašyli, što kali jany pačnuć pracu, tady i vypraviać hety nadpis. Da Dnia piśmienstva ŭsio budzie zroblena», — zapeŭniŭ čynoŭnik «Našu Nivu».
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary