U Mazyry zatrymali mužčynu, jaki, pahražajučy pnieŭmatykaj, skraŭ u kramie piva VIDEA
Troje mazyrčukoŭ vyrašyli papić piva, ale tracić hrošy jany nie źbiralisia.
Mužčyny padyšli da supiermarkieta z boku razhruzki tavara. Hruzčyk sutyknuŭsia z 30-hadovym złamyśnikam, jaki, pahražajučy pnieŭmatyčnym pistaletam, skraŭ 2 płastykavyja butelki ź pivam, paviedamlaje MUS. Kali nieviadomyja źbiehli, rabotnik kramy nacisnuŭ tryvožnuju knopku i vyklikaŭ milicyju.
Mužčynu zatrymali litaralna praz 15 chvilin: jon ź siabrami piŭ piva zusim niedaloka ad miesca złačynstva. Pry im znajšli i pnieŭmatyčny pistalet. Vyśvietliłasia, što jon nie raz pryciahvaŭsia da administracyjnaj adkaznaści i byŭ sudzimy za kradziež i złosnaje chulihanstva.
Jaho zatrymali. Zaviali kryminalnuju spravu.
Kamientary