Hatoŭnaść 98%: u Minsku źjavicca stancyja mietro z naziemnym viestybiulem
Na stancyi «Vakzalnaja», treciaj linii minskaj padziemki, zaviaršajucca raboty pa budaŭnictvie, paviedamlaje ANT.
Darečy, minskaje mietro sioleta adznačaje 35 hadoŭ z momantu jaho adkryćcia. Zapusk adbyŭsia 29 červienia 1984 hoda.
Tady pačała pracu pieršaja linija z 8 stancyjami. Siońnia minskaja padziemka našmat daŭžejšaja.
A voś novaja stancyja «Vakzalnaja» — adzinaja ŭ staličnym mietro z naziemnym viestybiulem.
Andrej Sierafimovič, namieśnik hałoŭnaha inžyniera tunelnaha atrada pradpryjemstva «Minskmietrabud»:
«Buduć dva piešachodnyja tuneli, jakija złučać pieršuju i treciuju linii mietro. Pasažyrapatok budzie padzieleny na dva. Heta značyć, padčas pierachodu z adnoj stancyi na druhuju pasažyry nie buduć sustrakacca. Jany buduć iści pa roznych tunelach. U tunelach buduć jak piešachodnyja zony, tak i zony z travałatarami, jakija buduć dapamahać našym pasažyram».
Bližej za ŭsich da poŭnaj hatoŭnaści — stancyja «Kavalskaja Słabada». Tut azdablenčyja pracy ŭžo skančajuć. A voś na «Jubilejnaj płoščy» ich pakul nie pačali. Pakul u aktyŭnaj fazie idzie budaŭnictva. Zdać čatyry stancyi treciaj linii minskaha mietro źbirajucca ŭ pieršaj pałovie 2020 hoda. Ale sprobny ciahnik zapuściać užo ŭ studzieni.
Ciapier čytajuć
Prapahanda rychtuje hramadstva da zahadkavaj «praciahłaj kamandziroŭki» Łukašenki21
Kamientary