Brytanski ministr pa pytańniach Brexit Styvien Barkli zajaviŭ, što Vialikabrytanija pakinie Jeŭrasajuz 31 kastryčnika, niezaležna ad taho, ci ŭdasca dasiahnuć niejkaha pahadnieńnia.
U svaim poście ŭ Tvitary Barkli adznačyŭ, što vyrazna akreśliŭ hetu pazicyju ŭ razmovie z hałoŭnym pieramoŭščykam Jeŭrasajuza pa Brexit Mišelem Barńje.
«Dva novyja kamitety pa Brexit užo pracujuć», - zajaviŭ Barkli, adznačyŭšy, što «ciapier u nas jość śviežy padychod da pieramovaŭ pa ździełcy i my hatovyja pakinuć ES».
Borys Džonsan ŭ minułuju sieradu staŭ premjeram Vialikabrytanii. Raniejšy lidar Tereza Mej syšła ŭ adstaŭku, nie daŭšy rady prablemam Brexit i abjadnać kansiervataraŭ. Džonsan paabiacaŭ u lubym vypadku vyvieści krainu ź ES 31 kastryčnika, ale stvaryć «novaje partniorstva» ź Jeŭrasajuzam.
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary