Na 83-m hodzie žyćcia pamior futbolny funkcyjanier Leanid Haraj.
Majstar sportu SSSR, zasłužany trenier BSSR u futboł pačaŭ hulać u Breście ŭ školnaj kamandzie ŭ 1953 hodzie. Vystupaŭ za minskija «Spartak» i «Biełaruś». Taksama ŭ jaho karjery značacca minskaja FŠM, SKA (Minsk), «Spartak» (Brest). Skončyŭšy karjeru, Leanid Paŭłavič na ŭsio žyćcio zastaŭsia ŭ vialikim futbole. Treniravaŭ brescki «Spartak», byŭ načalnikam hetaj kamandy. Zatym staŭ dyrektaram bresckaj SDIUSŠAR-5, načalnikam kamandy «Dynama» (Brest).
Paśla Leanid Haraj na 18 hadoŭ viarnuŭsia ŭ minskaje «Dynama», staŭšy načalnikam kamandy, a zatym staršynioj kłuba. Mienavita ŭ hety pieryjad dynamaŭcy dasiahnuli ŭsich značnych viaršyń, vyjhraŭšy čempijanat SSSR 1982 hoda, bronzu 1983-ha.
U pačatku 2000-ch Leanid Haraj pracavaŭ u fiederacyi futboła ŭ roli načalnika adździeła nacyjanalnaj i junackich zbornych kamand, načalnika ŭpraŭleńnia zbornych kamand. Źjaŭlaŭsia staršynioj dyscyplinarnaha kamiteta ABFF, karespandentam haziety «Spartyŭnaja panarama».
Kamientary