U dzień pratestaŭ u Maskvie turemščyki buduć spaborničać na aŭtazakach
U dzień praviadzieńnia pratestnaj akcyi ŭ Maskvie, 10 žniŭnia, Fiederalnaja słužba vykanańnia pakarańniaŭ Rasii praviadzie ŭ horadzie turnir pa kiravańni aŭtazakami, paviedamlaje TASS.
U turniry pavinny ŭziać udzieł kiroŭcy padraździaleńniaŭ słužby z bolš čym 10 rehijonaŭ Rasii, jakija «prademanstrujuć navyki manieŭravańnia ź pieraškodaj va ŭmovach horada, viedy pravił darožnaha ruchu i navyki stralby».
Turnir nibyta pravodzicca ŭžo treci hod zapar i prymierkavany da Dnia transpartnaj słužby kryminalna-vykanaŭčaj sistemy.
10 žniŭnia ŭ Maskvie pavinna prajści čarhovaja akcyja pratestu suprać niadopusku apazicyjnych kandydataŭ na vybary ŭ haradski parłamient. Ułady Maskvy ŭzhadnili mitynh z zajaŭlenaj kolkaściu ŭdzielnikaŭ u 100 tysiač čałaviek.
Kamientary