Ułady Sievieradźvinska vydalili paviedamleńnie pra skačok radyjacyi paśla zdareńnia
«Materyjał vydaleny, tamu što situacyjaj zajmajecca Ministerstva abarony Rasijskaj Fiederacyi. Heta ŭ ich kampietencyi», — paviedamili RBK u pres-słužbie administracyi Sievieradźvinska.
Infarmacyja ab pavyšeńni radyjacyjnaha fonu była raźmieščana dniom u čaćvier, 8 žniŭnia, ciapier paviedamleńnie na sajcie administracyi niedastupna.
«U 11:50 8 žniŭnia datčyki ŭ Sievieradźvinsku zafiksavali karotkačasovaje pavyšeńnie radyjacyjnaha fonu. Ciapier fon narmalizavaŭsia. <…> Z 11:50 da 12:30 pačałosia źnižeńnie radyjacyjnaha fonu. Stanam na 14:00 pakazańni datčykaŭ nie pieravyšajuć 0,11 mikrazivierta ŭ hadzinu pry maksimalna dapuščalnych 0,6 mikrazivierta ŭ hadzinu. Radyjacyjny fon u Sievieradźvinsku narmalny», — havaryłasia ŭ im. Kopija staronki zachavałasia ŭ archivie Wayback Machine.
U piatnicu na sajcie administracyi horada apublikavana inšaje paviedamleńnie pra stanovišča. U im sa spasyłkaj na kiraŭnika abłasnoha ŭpraŭleńnia Rasspažyŭnahladu Ramana Buzinava havorycca, što proby pavietra, hleby i vady nie vyjavili pieravyšeńnia ŭzroŭniu radyjacyi (acenku pravodziŭ ekśpiert Sankt-Pieciarburhskaha instytuta radyjacyjnaj hihijeny Rasspažyŭnahladu Alaksiej Hromaŭ).
«Padstaŭ dla chvalavańnia za žyćcio i zdaroŭje paŭnočnikaŭ niama», — pryvodziacca słovy Buzinava.
Pieršyja paviedamleńni pra zdareńnie ŭ vajskovaj čaści pad Archanhielskam źjavilisia dniom u čaćvier, nieŭzabavie Minabarony Rasii paviedamiła, što na vajennym palihonie adbyŭsia vybuch padčas vyprabavańnia vadkasnaha reaktyŭnaha ruchavika. Zahinuli dvoje, jašče niekalki čałaviek atrymali ranieńni.
Namieśnik kapitana marskoha porta Archanhielska Siarhiej Kozub paviedamiŭ RBK, što paśla vybuchaŭ vajskoŭcy zakryli rajon Dźvinskaha zaliva Biełaha mora dla sudnachodstva. Pavodle jaho słoŭ, zabarona na płavańnie była uviedziena z 9 žniŭnia pa 10 vieraśnia. Kozub nazvaŭ heta «zvyčajnaj historyjaj». Port Archanhielska zastajecca adkrytym.
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary