Aficyjny kurs rasijskaha rubla da biełaruskaha apuściŭsia nižej za dadevalvacyjny ŭzrovień.
Aficyjny kurs rasijskaha rubla da biełaruskaha apuściŭsia nižej za dadevalvacyjny ŭzrovień.
Nacyjanalny bank Biełarusi na 6 lutaha ŭstanaviŭ aficyjny kurs rasijskaha rubla na ŭzroŭni 76,76 biełaruskaha. Heta na 13,4 rubla (14,86%) mienš za kurs, ustanoŭleny 2 studzienia paśla razavaj devalvacyi biełaruskaj hrašovaj adzinki (90,16), i na
0,13 rubla (0,17%) mienš za kurs, što dziejničaŭ u apošnija dni pierad devalvacyjaj (76,89).
13 studzienia, naviedvajučy minskaje pradpryjemstva «Biełkamunmaš», Alaksandr Łukašenka zajaviŭ: «Kali b my nie devalvavali valutu, to na rasijskim rynku z‑za kursavoj roźnicy mieli b straty».
30 studzienia na pasiadžeńni Savieta ministraŭ Sajuznaj dziaržavy premjer‑ministr Rasii Uładzimir Pucin zaznačyŭ:
«U cełym tavaraabarot Rasii i Biełarusi zabiaśpiečvajecca ŭ rublach na 55—60%.Pry hetym ekspart ź Biełarusi ŭ Rasiju składaje 90% u rublach, z Rasii ŭ Biełaruś — 45% u rublach».
Panižeńnie kursu rasijskaha rubla da biełaruskaj valuty vyklikana jaho devalvacyjaj adnosna amierykanskaha dołara. Z 25 śniežnia 2008 hoda, kali Nacbank Biełarusi ŭstanaviŭ apošnija pierad devalvacyjaj aficyjnyja kaciroŭki valut, pa 6 lutaha aficyjny kurs dalara da biełaruskaha rubla vyras na 26,68% (z 2.200 da 2.787), u toj čas jak kurs dalara da rasijskaha rubla, što ŭstanaŭlivajecca Centrabankam RF,— na 26,9% (z 28,6119 da 36,3095).
Dla zachavańnia kursu rasijskaha rubla na ŭzroŭni 90,16 Nacbanku daviałosia b pavysić kurs dołara da 3.274 rubloŭ.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ7
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1111
Kamientary