Pachod u kramu haściam z Šry-Łanki ŭ Hrodnie zapomnicca nadoŭha. U kamiery zachoŭvańnia adna ź dziaŭčyn pakinuła zaplečnik, u jakim znachodziłasia 2,7 tys. dalaraŭ i 500 rubloŭ. Studentka nie zamknuła jačejku, paviedamlaje pres-sakratar MUS Volha Čamadanava ŭ telehram-kanale.
U hety ž čas u kramu zajšli dvoje mužčyn, jakija raniej nieadnarazova traplali ŭ pole zroku milicyi. Jany ŭbačyli adkrytuju jačejku, tam znachodziŭsia zaplečnik. Doŭha nie razvažajučy, adzin ź ich dastaŭ jaho, nakinuŭ na plačo i nakiravaŭsia da vychadu z kramy.
Adnak jon i padumać nie moh, što sustreniecca na vychadzie z zanalnym apierupaŭnavažanym.
Supracoŭnik kryminalnaha vyšuku Leninskaha RAUS Hrodna byŭ u cyvilnaj formie i prosta išoŭ u kramu. Ale ŭbačyŭ užo raniej znajomych jamu miascovych i źviarnuŭ uvahu na žanočy zaplečnik na plačy. Apieratyŭnik paviarnuŭsia na hanku kramy i pajšoŭ za mužčynami. Paprasiŭ spynicca i pakazać, što znachodzicca ŭ zaplečniku.
Dla razboru hramadzianie byli dastaŭleny ŭ Leninski RAUS. Da hetaha času paciarpiełyja jašče nie paśpieli źviarnucca ŭ milicyju. Paźniej dziaŭčaty prybyli ŭ rajonny adździeł milicyi dla napisańnia zajavy, ale nijak nie čakali, što tut ža zmohuć zabrać vykradzienyja rečy i ŭsie hrošy.
Kamientary