U milicyju źviarnulisia baćki 12-hadovaj dziaŭčynki. Jany raspaviali, što ŭ mabilnym telefonie dački vyjavili pierapisku ź nieviadomym. Źmiest virtualnaha paviedamleńnia ich ustryvožyŭ: surazmoŭca schiliŭ dziaŭčynku pierasłać jamu svaje fatahrafii intymnaha charaktaru, paviedamlaje pres-słužba MUS.
Nieŭzabavie supracoŭniki ŭpraŭleńnia pa narkakantroli i supraćdziejańni handlu ludźmi HUUS Minharvykankama ŭstalavali, što da pierapiski datyčny 22-hadovy hramadzianin Rasii. U Minsku jon pracavaŭ mularam. U internet-znosinach pradstaŭlaŭsia padletkam (dziaŭčynkaj abo chłopčykam) i prymušaŭ surazmoŭnic da fatahrafavańnia ŭ aholenym vyhladzie.
U pakoi, dzie pražyvaŭ małady čałaviek, kanfiskavanyja mabilny telefon i dva noŭtbuki. Pry vyvučeńni źmieściva hetych pryład vyjaŭlena kala 40 «dyjałohaŭ» ź dziaŭčynkami va ŭzroście 9-14 hadoŭ. Taksama ŭ mabilnym telefonie vyjaŭlena kala 100 internet-spasyłak na videaroliki parnahrafičnaha źmiestu z udziełam dziaciej. Viadoma, što hetymi spasyłkami fihurant dzialiŭsia ź niepaŭnaletnimi ŭ adnoj z sacyjalnych sietak.
Chłopiec znachodzicca ŭ izalatary.
Pavodle apieratyŭnych źviestak, jon ustupaŭ u pałavuju suviaź z čatyrma niepaŭnaletnimi, ź jakimi paznajomiŭsia ŭ internecie.
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?1818
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?18
Dziaržkanały poŭniacca abvinavačvańniami na adras Ukrainy. Nivodzin dziaržkanał nie apublikavaŭ kamientary ŭkraincaŭ. Reakcyi Łukašenki dahetul niama3030
Kamientary