Paźniak pra prajmieryz: «U hetych ludziej absalutna niama soramu. Asabliva niepryjemna ździviŭ Sieviaryniec»
Lidar KCHP-BNF Zianon Paźniak krytyčna vykazaŭsia pra praceduru vyznačeńnia adzinaha apazicyjnaha kandydata na prezidenckija vybary-2020.
«Sistema pracuje spraŭna, i Łukašenka moža nie chvalavacca. Vybary projduć pa standartnaj režymnaj schiemie, i čarhovy termin uzurpacyi ŭłady jamu zabiaśpiečany», — adznačaje kiraŭnik KCHP-BNF.
«U hetych asobaŭ, što sabralisia na «vybary» i jakija tłumačać svaje pavodziny «prajmieryz», — absalutna niama soramu. U toj čas, kali hramadstva nakont tak zvanych režymnych «vybaraŭ» užo daŭno razabrałasia», — miarkuje jon.
Paźniak zaznačaje, što dla jaho nie byŭ niečakanaściu — ale ŭsio roŭna niepryjemnaje paćvierdziłasia — udzieł Paŭła Sieviarynca ŭ hetaj kampanii.
«Za apošnija miesiac-paŭtara Sieviaryniec vyhadna (i zasłužana) vyjšaŭ navierch u pratestnym palityčnym zmahańni suprać anšlusu i za niezaležnaść Biełarusi. Zamiest taho, kab zamacavać pazicyi i śmieła vieści nastupalnuju palityku na inšym uzroŭni,
jon znoŭ uvaliŭsia tudy, adkul vyjšaŭ — u hniłuju łachań vikaŭskaj «apazicyi», jakaja padtrymlivaje režymnyja «vybary» i ŭviekaviečvaje režym Łukašenki», — miarkuje dziejač emihracyi.
«Na hetym — bahna. Finita. Budzie šmat kandydataŭ ad «apazicyi» (dla Zachadu i «hovpravdu» — apazicyja). I heta pry tym, što nivodnaj asoby, jakaja mahła b stać alternatyvaj režymu i «adzinym kandydatam», u hetaj bahnie niama. Jany tam jašče ŭ «prajmieryz» buduć bavicca. Jaki im u Biełarusi «prajmieryz»! I słova takoha ŭ biełaruskaj movie nie isnuje», — reziumuje Zianon Paźniak.
Apazicyja prydumała składanuju schiemu abrańnia adzinaha kandydata
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary