Kazachstan arhanizuje sustrečy ź miascovymi resursatrymalnikami pa pastaŭkach nafty ŭ Biełaruś
Ministerstva enierhietyki Kazachstana arhanizuje dla biełaruskaha boku sustrečy ź miascovymi resursatrymalnikami dla pieramovaŭ ab mahčymych pastaŭkach nafty ŭ Biełaruś. Pra heta paviedamiŭ siońnia žurnalistam kazachstanski ministr enierhietyki Nurłan Nahajeŭ, infarmuje TASS.
«Naša pazicyja — dyviersifikacyja pastavak, ministerstva zajmajecca arhanizacyjaj palityki (u hetaj śfiery). Na siońniašni dzień prapracoŭvajecca pytańnie padpisańnia pahadnieńnia ab supracoŭnictvie ŭ halinie nafty i naftapraduktaŭ. Paśla padpisańnia hetaha pahadnieńnia biełaruski bok maje mahčymaść nabyvać u nas naftu. My na siońniašni dzień jak ministerstva arhanizoŭvajem im sustrečy z resursatrymalnikami pa ich prośbie», — skazaŭ jon.
Nurłan Nahajeŭ nie staŭ udakładniać, ź jakimi mienavita resursatrymalnikami viaducca pieramovy. «My nie zajmajemsia pošukam pastaŭščykoŭ — heta kamiercyjnaje pytańnie», — rastłumačyŭ jon. Kiraŭnik Minenierha Kazachstana adznačyŭ, što pahadnieńnie ab pastaŭkach nafty ŭ Biełaruś znachodzicca na ŭzhadnieńni ŭ dziaržaŭnych orhanach.
Ciapier čytajuć
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary