Казахстан арганізуе сустрэчы з мясцовымі рэсурсатрымальнікамі па пастаўках нафты ў Беларусь
Міністэрства энергетыкі Казахстана арганізуе для беларускага боку сустрэчы з мясцовымі рэсурсатрымальнікамі для перамоваў аб магчымых пастаўках нафты ў Беларусь. Пра гэта паведаміў сёння журналістам казахстанскі міністр энергетыкі Нурлан Нагаеў, інфармуе ТАСС.
«Наша пазіцыя — дыверсіфікацыя паставак, міністэрства займаецца арганізацыяй палітыкі (у гэтай сферы). На сённяшні дзень прапрацоўваецца пытанне падпісання пагаднення аб супрацоўніцтве ў галіне нафты і нафтапрадуктаў. Пасля падпісання гэтага пагаднення беларускі бок мае магчымасць набываць у нас нафту. Мы на сённяшні дзень як міністэрства арганізоўваем ім сустрэчы з рэсурсатрымальнікамі па іх просьбе», — сказаў ён.
Нурлан Нагаеў не стаў удакладняць, з якімі менавіта рэсурсатрымальнікамі вядуцца перамовы. «Мы не займаемся пошукам пастаўшчыкоў — гэта камерцыйнае пытанне», — растлумачыў ён. Кіраўнік Мінэнерга Казахстана адзначыў, што пагадненне аб пастаўках нафты ў Беларусь знаходзіцца на ўзгадненні ў дзяржаўных органах.
Былы міністр культуры Руслан Чарнецкі знайшоў сабе падпрацоўку9
Каментары