Apošnija dni ŭ internecie aktyŭna abmiarkoŭvajuć infarmacyju pra toje, što eks-ministr Ihar Šunievič akazaŭsia datyčny da «cukrovaj spravy».
8 lutaha telehram-kanał Nexta paviedamiŭ, što Šunievič, u čas kiravańnia jakoha i pracavała karupcyjnaja schiema pa pastaŭkach cukru, byŭ dapytany. Tym bolš, śćviardžajuć aŭtary kanała, jon byŭ blizkim znajomym zatrymanaha fihuranta spravy Kryštapoviča. Pakul, paviedamlaje Nexta, eks-ministr znachodzicca pad padpiskaj ab niavyjeździe abo navat pad chatnim aryštam.
Na toje, što Šunievič byŭ blizki da mnohich fihurantaŭ «cukrovaj spravy», źviartaje ŭvahu i telehram-kanał Harbacevič. Maŭlaŭ, zatrymany KDB namieśnik načalnika HUBAZiK Uładzimir Cichinia navat byŭ davieranaj asobaj u Šunieviča.
Infarmacyju ab mahčymym zatrymańni, sa spasyłkaj na svaju krynicu, apublikavaŭ učora i Onliner, praŭda, nie tłumačycca, u jakim statusie prachodzić eks-ministr: padazravanaha ci śviedki. Partał taksama źviarnuŭsia pa kamientar u SK, tam adkazali, «što takoj infarmacyjaj nie vałodajuć».
Telehram-kanał Niazyhar, nie majučy krynic unutry Biełarusi, taksama ekspłuatuje temu i źviazvaje mahčymaje zatrymańnie Ihara Šunieviča z tym, što «Łukašenka pacichu začyščaje ŭsie prarasijskija elemienty ŭ Biełarusi».
Karespandent «Našaj Nivy» źjeździŭ u Drazdy-2, dzie žyvie Ihar Šunievič. Na zvanok u dźviery nichto nie adreahavaŭ, tolki niečy cień adsunuŭ firanku i pahladzieŭ praź jaje ŭ dvor. Ci heta byŭ Ihar Šunievič, ci jaho žonka, nie było vidać. Na paŭtornyja zvanki ŭ dźviery i pa haradskim telefonie taksama nichto nie adkazaŭ.
«Ihar Šunievič nie źjaŭlajecca fihurantam nivodnaj kryminalnaj spravy, jakaja na hety momant znachodzicca ŭ pracy śledčaha ŭpraŭleńnia Kamiteta dziaržaŭnaj biaśpieki», — skazaŭ aficyjny pradstaŭnik KDB Andrej Jaraš u paniadziełak.
Ihar Šunievič naradziŭsia ŭ 1967 va Ukrainie (Łuhanskaja vobłaść). U 1992 skončyŭ Akademiju milicyi MUS Biełarusi, słužyŭ u milicyi. Pracavaŭ u KDB (2007—2012). U studzieni 2012 pryznačany pieršym namieśnikam ministra ŭnutranych spravaŭ, u mai taho ž hoda — ministram, z pasady syšoŭ u červieni 2019-ha.
KDB: Šunievič nie źjaŭlajecca fihurantam cukrovaj spravy
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary