Karanavirus u Biełarusi: čamu źviestki pra kolkaść infikavanych publikujucca nierehularna
U susiedniaj Litvie pra kolkaść nośbitaŭ karanavirusa paviedamlajuć štodzień, pryčym nie raz na dzień, a jak tolki vyjaŭlajuć novych infikavanych. Ułady paviedamlajuć praź ŚMI, u jakim horadzie ci rajonie jany žyli, ale, kaniečnie, nie nazyvajuć ich imion. Zatoje ŭłady publikujuć vyčarpalnyja maršruty nośbitaŭ infiekcyi ŭ pieryjad, kali jany mahli być zaraznyja. Heta vyhladaje voś tak:
Litva nie adna takaja. Jany hruntujucca na dośviedzie Paŭdniovaj Karei i Sinhapura, jakich pandemija začapiła raniej i jakija takim sposabam zdoleli minimizavać raspaŭsiudžvańnie infiekcyi.
Kali ty byŭ u adnym aŭtobusie z chvorym, ty abmiažoŭvaješ svaje kantakty i sam idzieš zdać test. Na rańnim etapie epidemii takaja łohika pracuje, dazvalaje abmiežavać pašyreńnie chvaroby.
Akramia taho, taki padychod stvaraje ŭ hramadzian davier da ŭłady.
U Biełarusi źviestki pra kolkaść nośbitaŭ infiekcyi publikujucca nierehularna, to raz na dzień, to raz na dva dni. Publikujucca jany takim čynam, kab ciažka było nie toje što zrazumieć, dzie žyli hetyja ludzi i dzie byvali, a navat vyličyć ahulnuju kolkaść nośbitaŭ.
Vyhladaje heta voś tak:
Litoŭski padychod stvaraje davier hramadzian da ŭłady. Ludzi bačać, što ŭłada dziejničaje tak, kab paciarpieła minimalnaja kolkaść ludziej. «Toj vypadak, kali całkam daviaraješ uładam», — kaža Ludvika Kardzis, dyrektarka Vilenskaha biełaruskaha muzieja imia Ivana Łuckieviča.
Ułady Biełarusi vybrali inšy padychod.
«Ja hety karanavirus nazyvaju niajnačaj jak psichozam, — skazaŭ Alaksandr Łukašenka. — My možam bolš paciarpieć ad paniki, čym ad samoha virusa», — ličyć prezident krainy.
Adnak niedachop infarmacyi, naadvarot, stvaraje hlebu dla poŭnaha niedavieru i paničnych pavodzin, jak my heta nie raz nazirali. Apošnija takija vypadki byli padčas apošniaj devalvacyi rubla.
Usiaho ŭ śviecie pa stanie na 19 sakavika ad karanavirusa pamierła bolš za 10 020 čałaviek, i ličba śmierciaŭ z kožnym dniom raście — značyć, śviet daloki ad piku pandemii. Mnohija krainy ŭviali strohi karancin i zakryli miežy dla inšaziemcaŭ, kab zapavolić raspaŭsiudžvańnie infiekcyi.
-
«Ja nie chaču ŭ zahončyk biełaruščyny». Knyrovič adkazaŭ na krytyku za ŭdzieł u kancercie na Dzień Rasii
-
Fiaduta pra Aŭtuchoviča: U dvoryku «Amierykanki» jon uparta rabiŭ praktykavańni, imknučysia padtrymlivać siabie ŭ formie
-
Ci jość siarod siłavikoŭ u turmach i kałonijach dobryja ludzi? Adkazvaje Łosik
Ciapier čytajuć
Novyja detali źniknieńnia Anatola Kotava. Jachta ź im źmianiła kurs na Abchaziju, dzie jaho vyvieli supracoŭniki FSB. Ale vykradańnie ci insceniroŭka?2828
Kamientary