Ejsmant: Łukašenka nie karystajecca maskaj, tolki časta myje ruki
Kiraŭnica pres-słužby Łukašenki na zapyt «Svabody» adkazała, što pandemija karanavirusa amal nie paŭpłyvała na pracoŭny hrafik kiraŭnika dziaržavy.
«Prezydent jak vitaŭsia za ruku, tak i vitajecca, vy možacie i sami heta nazirać — tolki ŭklučycie televizar, — kaža Ejsmant. — Pracoŭny hrafik taksama budujecca pavodle tych ža pryncypaŭ, što i raniej. Naprykład, u piatnicu čaściej za ŭsio ŭ pracoŭnym raskładzie prezydenta vyjaznoje mierapryjemstva. Na minułym tydni pracavali na pradpryjemstvie «Adani», na hetym taksama planujecca vyjaznoje mierapryjemstva».
Razam z tym pandemija zakranuła hrafik zamiežnych pajezdak. Užo skasavanaja pajezdka kiraŭnika Biełarusi ŭ Łatviju. Pavodle pres-sakratarki Alaksandra Łukašenki, kiraŭnika Biełarusi karantyn u Łatvii nie spyniaŭ, sustreču paprasili pieranieści haspadary.
Što da asabistych mieraŭ pieraściarohi kiraŭnika Biełarusi i jaho atačeńnia, tut pieravažajuć zachady asabistaj hihijeny.
«Maski i reśpiratary prezydent nia mieraŭ, — paviedamiła «Svabodzie» Natalla Ejsmant. — Sportam jak zajmaŭsia, tak i zajmajecca. Tak, usie hości Pałacu Niezaležnaści viedajuć, što ruki treba myć. Myjuć i pierad sustrečaj z prezydentam. My, viadoma, taksama heta robim — našmat čaściej, čym raniej. Myje ruki i prezydent».
-
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak
-
Paviedamleńnie, što na fest u Budsłavie pryjazdžaŭ mitrapalit Vienijamin, było pamyłkovym
-
Na Sož spuścili «Pasiejdona». U Homieli stvaryli sučasny ciepłachod z soniečnymi panelami i pieršym u Biełarusi vadamiotnym ruchačom
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak26
Kamientary