Nastaŭnicu zvolnili z pracy za toje, što jana raspaviała dzieciam pra Dzień Voli
Kiraŭnictva adukacyjnaha centru «SOL Minsk» paličyła, što heta «ahitacyja za apazicyju».
Kiraŭnictva adukacyjnaha centru «SOL Minsk» paličyła, što heta «ahitacyja za apazicyju».
Maryjana Hruździłovič, žonka žurnalista radyjo «Svaboda» Aleha Hruździłoviča, pracavała ŭ kamiercyjnym adukacyjnym centry «SOL Minsk» sa žniŭnia 1998 hoda. Jak raspaviała Chartyi'97 zvolnienaja vykładčyca, 24 sakavika padčas apošniaj lekcyi navučency zahavaryli pra Dzień Voli.
«Adna dziaŭčynka, hadoŭ trynaccaci, jakaja ŭvachodzić u pijanierskuju arhanizacyju, skazała: «A ja viedaju, što takoje Dzień Voli. Heta kali admarozki źbirajucca i pačynajuć harłapanić», -- uzhadvaje Maryjana Hruździłovič. -- Ja nie zmahła zmaŭčać, i patłumačyła dzieciam, što ŭhodki ŭtvareńnia Biełaruskaj Narodnaj Respubliki adznačajuć narmalnyja intelihientnyja ludzi, jakija pravodziać mirnyja akcyi».
Pa słovach Maryjany Hruździłovič, dzieci vysłuchali jaje raspoviad ź cikavaściu.
Na nastupny dzień, 25 sakavika, z vykładčycaj sustrełasia kiraŭnictva centra. Zahadčyca navučalnaj častkaj centra painfarmavała Maryjanu, što jana zvolnienaja, pakolki «parušyła ŭnutrany statut arhanizacyi». Kiraŭnictva zajaviła, što vučanica, jakaja spračałasia z Hruździłovič, paskardziłasia baćkam, a jaje baćka słužyć pałkoŭnikam MUS.
Muž Maryjany, Aleh Hruździłovič, ličyć, što jaho žonku zvolnili pa palityčnych matyvach.
«Vychodzić, što našyja pałkoŭniki milicyi kamandujuć nie tolki milicyjantami, ale i vykładčykami, pradprymalnikami, cełymi firmami», - zrabiŭ vysnovu žurnalist.
Kamientary