Kvalifikacyja novaha siezona jeŭrakubkaŭ budzie składacca z adnaho matču, a hulnia z Hruzijaj — u kastryčniku
Siońnia na pasiadžeńni UEFA było paćvierdžana, što čverćfinał, paŭfinał i finał Lihi čempijonaŭ syhrajuć u farmacie «Finału vaśmi». Hulni projduć z 12 pa 23 žniŭnia ŭ Lisabonie. Pryčym stadyi buduć składacca z adnoj hulni.
7 i 8 žniŭnia adbuducca matčy ŭ adkaz 1/8 finału, jakija nie paśpieli dahulać stadyju (napr. «Lijon» — «Juvientus», «Napali» — «Barsiełona», «Reał» — «Mansici», «Čełsi» — «Bavaryja»).
U čverćfinał, nahadajem, vyjšli PSŽ, «Atletyka», «Atałanta» i «Lajpcyh».
Mini-turnir Lihi Jeŭropy projdzie ŭ Niamieččynie. Finał 21 žniŭnia ŭ Kiolnie.
A voś kvalifikacyja siezona 2020/2021 Lihi čempijonaŭ i Lihi Jeŭropy budzie składacca z adnaho matču.
U Lizie čempijonaŭ Biełaruś pradstaŭlaje «Dynama» Brest, u Lizie Jeŭropy — BATE, «Šachcior» i «Dynama» Minsk.
Kab dabracca da hrupavoha turniru, treba prajści čatyry raŭndy.
Kvalifikacyja startuje 8 žniŭnia.
Taksama siońnia stała viadomaja novaja data matču Hruzija — Biełaruś u płej-of Lihi nacyj.
Matč projdzie 8 kastryčnika ŭ Tbilisi. Kali naša kamanda atrymaje pieramohu, to 12 listapada ŭ Minsku jana zhulaje za prava zhulać na Jeŭra ź pieramožcam matču pamiž Paŭnočnaj Makiedonijaj i Kosava.
Hulni pavinny byli prajści 24 i 31 sakavika, ale UEFA pieraniesła matčy z-za pandemii karanavirusa.
A sam čempijanat Jeŭropy, jaki mieŭsia startavać u minułuju piatnicu, pieraniesieny na leta 2021 hoda.
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary