Finansavy machlar Marsalek, jaki moh być u Biełarusi, pierabraŭsia ŭ Rasiju
Były top-mieniedžar niamieckaj Wirecard Jan Marsalek znachodzicca ŭ Rasii, śćviardžaje hazieta Handelsblatt sa spasyłkaj na krynicy. Vydańnie udakładniaje, što pierabracca ŭ krainu jamu dapamahła rasijskaja vajennaja raźviedka, paviedamlaje RBK
Handelsblatt nahadvaje pra rasśledavańnie Spiegel i Bellingcat, jakija vyśvietlili, što Marsalek paśla adjezdu z Aŭstryi 18 červienia zdoleŭ dabracca da Minska. Adnak, pa dadzienych Handelsblatt, jon nie zastaŭsia ŭ stalicy Biełarusi. Pa viersii vydańnia, HRU (tak u materyjale nazyvajuć Hałoŭnaje ŭpraŭleńnie Hienštaba VS Rasii) praz rasijska-biełaruskija palityčnyja roznahałośsi vyrašyła pierapravić Marsaleka ŭ pryvatny dom u Padmaskoŭi.
Vydańnie śćviardžaje, što ŭ Rasii Marsalek vałodaje značnymi srodkami ŭ bitkojnach, jakija vyvieŭ z Dubaja.
Pry hetym hazieta pakazvaje, što padčas pracy ŭ Wirecard Marsalek u razmovach ź inšymi biznesoŭcami kazaŭ, što nibyta kantaktavaŭ z rasijskaj vajskovaj raźviedkaj, naviedvaŭ siryjskuju Palmiru, Liviju i Čačniu. Bellingcat śćviardžaje, što Marsalek 60 razoŭ zajazdžaŭ na terytoryju Rasii.
Sam Marsalek zajaŭlaŭ i pra svaje suviazi z brytanskimi śpiecsłužbami. Jak paviedamlała Financial Times, padčas pieramovaŭ top-mieniedžar Wirecard vychvalaŭsia tym, što ŭ jaho jość vyniki rasśledavańnia zamachu na eks-supracoŭnika HRU Siarhieja Skrypala ŭ brytanskim Sołśbiery, dzie, jak śćviardžajuć u Łondanie, było ŭžytaje atrutnaje rečyva «Navičok».
Marsalek źnik paśla taho, jak Wirecard, jakaja vypuskała kryptavalutnyja karty, padała zajavu ab bankructvie. Jak vyśvietliłasia, na rachunkach kampanii nie akazałasia amal $2,1 młrd (kala €1,9 młrd), choć raniej ličyłasia, što hetyja hrošy tam jość.
22 červienia niamieckaja prakuratura aryštavała kiraŭnika Wirecard Markusa Braŭna. Byŭ vydadzieny ordar i na aryšt Marsaleka, ale toj paśpieŭ źbiehčy.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ4
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach99
Kamientary