Dziaržabvinavaŭca zaprasiŭ dla jaho dzieviać hadoŭ pazbaŭleńnia voli.
15—16 krasavika ŭ sudzie Lelčyckaha rajona ŭ zakrytym režymie prachodzili słuchańni kryminalnaj spravy ŭ dačynieńni da byłoha supracoŭnika departamienta achovy MUS, abvinavačanaha va ŭčynieńni dvuch zhvałtavańniaŭ.
16 krasavika dziaržaŭny abvinavaŭca vykazaŭ svaju pazicyju i zaprasiŭ dla abvinavačanaha pakarańnie ŭ vyhladzie pazbaŭleńnia voli terminam na dzieviać hadoŭ z adbyvańniem u kałonii ŭzmocnienaha režymu.
Płanujecca, što prysud budzie abvieščany 21 krasavika.Pra heta BiełaPAN paviedamili ŭ sudzie.
Śledstva pa spravie zaviaršyłasia 19 sakavika, psichijatryčnaja ekśpiertyza pryznała u byłoha milicyjaniera najaŭnaść śviadomaści.
Nočču 18 studzienia 2009 hoda mužčyna ŭ biezhaspadarnaj pabudovie staroj carkvy ŭ Lelčycach i padvale doma zhvałtavaŭ 15‑hadovuju žycharku rajcentra. Złačynca źbiŭ jaje, złamaŭ pieranośsie, u dziaŭčyny było abmaražeńnie stupniaŭ.Pavodle hetaha fakta prakuraturaj Lelčyckaha rajona była raspačata sprava na padstavie č. 1 art. 166 Kryminalnaha kodeksa (zhvałtavańnie). Padčas praviadzieńnia apieratyŭna‑vyšukovych mierapryjemstvaŭ było ŭstanoŭlena, što złačynstva ŭčyniŭ 25‑hadovy supracoŭnik departamienta achovy MUS adnaho z rajonnych adździełaŭ Homielskaj vobłaści. 10 lutaha jaho zatrymali i vystavili abvinavačańnie, milicyjanier daŭ pryznalnyja pakazańni.
Hienatypaskapičnaja ekśpiertyza paćvierdziła datyčnaść mužčyny da ŭčynieńnia złačynstva.
Padčas śledstva była ŭstanoŭlena datyčnaść supracoŭnika milicyi da ŭčynieńnia zhvałtavańnia ŭ žniŭni 2007 hoda. Tady ŭ pamiaškańni puciavoha pasta stancyi Asiejeŭka ŭ Minskim rajonie była zhvałtavana dziažurnaja pa stancyi.
Prapahanda rychtuje hramadstva da zahadkavaj «praciahłaj kamandziroŭki» Łukašenki39
Kamientary