Siońnia ministr zamiežnych spraŭ Biełarusi Siarhiej Martynaŭ znachodzicca z rabočym vizitam u Łatvii. Pavodle źviestak pres‑słužby biełaruskaha MZS, zapłanavanyja sustrečy Martynava z prezidentam Vałdzisam Zatlersam, premjer‑ministram Vałdzisam Dambroŭskisam, ministram zamiežnych spraŭ Marysam Ryjekstyńšam.
«Baki płanujuć razhledzieć šyrokaje koła pytańniaŭ raźvićcia adnosinaŭ pamiž Biełaruśsiu i Łatvijaj, a taksama prablematyku ŭzajemadziejańnia našaj krainy ź Jeŭrapiejskim sajuzam», — paviedamiła pres‑słužba.
Adnosiny Biełarus i Łatvii na aficyjnym uzroŭni aktyvizavalisia letaś paśla doŭhaha pierapynku. U lipieni i listapadzie 2008 hoda Łatviju naviedaŭ premjer‑ministr Biełarusi Siarhiej Sidorski. 18—19 lutaha 2009 hoda adbyŭsia vizit u Biełaruś kiraŭnika łatvijskaha ŭrada Ivarsa Hodmanisa.
Pavodle źviestak MZS Biełarusi, biełaruska‑łatvijski tavaraabarot u 2008 hodzie skłaŭ 2,32 młrd. dalaraŭ ZŠA (pavieličeńnie ŭ 2,08 raza). Biełaruski ekspart u Łatviju skłaŭ 2,18 młrd. dalaraŭ (pavieličeńnie ŭ 2,2 raza), impart z Łatvii — 138 młn. dalaraŭ (pavieličeńnie na 8,2%).
U 2008 hodzie ŭ Biełaruś z Łatvii pastupiła 97,7 młn. dalaraŭ ZŠA inviestycyj (65,9% da ŭzroŭniu 2007 hoda). Na terytoryi Biełarusi dziejničajuć 210 subjektaŭ haspadarańnia z udziełam łatvijskaha kapitału, ź ich 115 — sumiesnyja pradpryjemstvy, 95 — zamiežnyja.
17 krasavika ŭ intervju radyjostancyi «Echo Moskvy» prezident Zatlers vykazaŭsia za ŭdzieł Biełarusi ŭ novaj prahramie ES «Uschodniaje partniorstva».«Kali pakinuć Biełaruś u adzinocie, heta stvoryć niazručnaści ŭsim. Biełaruś — naša susiedskaja kraina», — padkreśliŭ Zatlers.
Ciapier čytajuć
Zialenski: Retranślatary na miažy Biełarusi prypynili pracu61
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary