27-hadovy Mikita Ihnaciuk u niadzielu sfatahrafavaŭsia z hidrantam, jaki pratestoŭcy vyciahnuli z vadamiota.
Fota chutka razyjšłosia pa sacsietkach — na zdymkach tvar Mikity zamazvali, ale ŭ toj ža dzień chłopca ŭsio ž zatrymali. Jon śćviardžaŭ, što tolki sfatahrafavaŭsia z hidrantam, ale heta nie vyratavała chłopca.
Mikita žyvie ŭ Breście, u Minsk jon pryjechaŭ, chutčej za ŭsio, śpiecyjalna na marš, miarkujuć svajaki.
«Jon pryciahnuty da administracyjnaj adkaznaści za pravaparušeńnie. Byŭ sud, — paviedamiła «Našaj Nivie» Natalla Hanusievič, pres-sakratar minskaj milicyi.
U sudzie Centralnaha rajona Minska adkazali, što Mikita Ihnaciuk pryznany vinavatym va ŭdziele ŭ niesankcyjanavanym masavym mierapryjemstvie. Jon atrymaŭ 15 sutak.
Sudździa — Alaksandr Pietraš. Viadoma, što hety sudździa časta daje demanstrantam sutki.
Na videa dobra bačna, što ŭ ludziej, jakija «raźbirali» vadamiot, zusim nie takaja vopratka, jak u Mikity. Jaho vina — fotazdymak z tym złaščasnym kavałkam hidranta.
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary