Pamior kampazitar Valeryj Ivanoŭ, aŭtar muzyki da «Hulać dyk hulać»
Paviedamiŭ sumnuju navinu ŭ svaim fejsbuku narodny artyst Biełarusi, lidar ansambla «Siabry» Anatol Jarmolenka, piša kp.by.
«Siońnia pajšoŭ u inšy śviet narodny artyst Biełarusi, vydatny kampazitar, Ivanoŭ Valeryj Kiryłavič… Viečnaja śvietłaja pamiać, siabar… Spačuvańni rodnym i blizkim… Smutkuju…»
Valeryj Ivanoŭ napisaŭ mnohija viadomyja pieśni. Siarod inšych heta «Hulać dyk hulać» na vieršy Uładzimira Niaklajeva i «Kachanaja mara maja» (słovy Leanida Prančaka), jakija vykonvali «Siabry» i «Raz dy razok» (jaje vykonvała ŭ «Vierasach» Anžalika Ahurbaš, a ciapier jaje śpiavaje Źmicier Vajciuškievič).
Viadomaja i pieśnia «Ty dy ja, dy my z taboj» ź filma «Cichija troječniki». Jana stała, mabyć, navat bolš papularnaja, čym kinastužka, dzie jana prahučała. A pieśnia «Tapaliny zvon», napisanaja Valeryjem Kiryłavičam, trapiła ŭ ruskamoŭnym varyjancie ŭ repiertuar rasijskaj śpiavački Lubovi Uśpienskaj — pa-biełarusku jaje śpiavali «Siabry».
Na fiestyvali ŭ Aleksandryi ŭ 2018-m tvor Ivanova «Viartańnie da spadčyny» syhraŭ Kola Łukašenka. Voś jak dla «Kamsamołki» prakamientavaŭ toje vykanańnie kampazitar:
— Možacie ličyć, što asabista ŭ mianie «viartańnie dy spadčyny» ŭžo adbyłosia. Kali mnie było sorak (tryccać hadoŭ tamu), ja chacieŭ viarnucca ŭ Hłusk (Ivanoŭ naradziŭsia ŭ 1948 hodzie ŭ hetym harpasiołku na Mahiloŭščynie). Ciapier u mianie tut domik, ja razmaŭlaju z vami siarod vialikich dreŭ, jakija sam pasadziŭ. A napisaŭ ja «Viartańnie…» daŭno, jaho hrajuć pa ŭsioj krainie. Naohuł, mnie pašancavała, što ja žyvy kampazitar, jaki hučyć. Bo časta byvaje, što kampazitar žyvy, a jaho nie vykonvajuć. Ci pačynajuć hrać muzyku, kali aŭtara ŭžo niama.
-
U Minsku znosiać mižvajennuju balnicu pracy francuzskaha architektara. Źniščyć pomnik dapamahali dva miascovyja akademiki
-
Karcina Šahała «Prahułka» zastaniecca ŭ Biełarusi da kastryčnika: Turčyn damoviŭsia ź Mišuścinym ab praciahu vystavy
-
Na «Biełaruśfilmie» siarod biaskoncych filmaŭ pra vajnu narešcie zdymuć navahodniuju kamiedyju
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ3
Kamientary