Zapłanavany na niadzielu ŭ Minsku praŭładny respublikanski mitynh «u padtrymku miru, dabra i roskvitu Biełarusi» admienieny.
«Hałoŭnaja pryčyna ŭ składanaj epidemijałahičnaj situacyi ŭ krainie. Ułady bierahuć nasielnictva, razumiejuć, što druhaja chvala karanavirusa nabiraje abaroty, tamu aścierahajucca rezkaha rostu zachvorvańnia. Usim žadajučym naviedać mierapryjemstva — pakul adboj», — havorycca ŭ aficyjnym paviedamleńni.
Raniej taksama paviedamlałasia pra masavuju admovu ludziej jechać na mitynh z rehijonaŭ.
Płanavałasia, što mitynh projdzie kala steły na praśpiekcie Pieramožcaŭ, a potym šeście da płoščy Niezaležnaści, dzie nie vyklučaŭsia vystup A. Łukašenki.
Adnak rabotniki, jakija pavinny byli manciravać scenu na płoščy Niezaležnaści, skazali, što ŭ subotu ŭ niadzielu ŭ ich vychodnyja. Taksama razabrali scenu kala steły.
Kamientary